Samfélagsmiðlar

Mikilvægt að samkeppni í flugi sé tryggð áfram

Skarphéðinn Berg Steinarsson, ferðamálastjóri, segir niðurstöðuna í skuldabréfaútboði WOW air vera ánægjuleg tíðindi.

„Þetta er mjög ánægjuleg niðurstaða. Með fjármögnun Wow heldur sú mikla samkeppni sem verið hefur í flugi til og frá landinu áfram,” segir Skarphéðinn Berg Steinarsson, ferðamálastjóri, um þau tíðindi að skuldabréfaútboði WOW air er nú lokið. „Umfangsmiklar og tíðar flugsamgöngur hafa verið undirstaðan í vexti ferðaþjónustunnar á Íslandi og því mikilvægt að þetta verkefni sé í höfn,” bætir Skarphéðinn við.

Seinni partinn í dag tilkynntu forsvarsmenn WOW air að skuldabréfaútboðinu, sem staðið hefur í rúman mánuð, sé lokið. Í heildina seldust skuldabréf fyrir 6,4 milljarða króna og stendur til að selja til viðbótar bréf upp á nærri 1,3 milljarð króna samkvæmt því sem segir í tilkynningu frá WOW.

Þar segir að það hafi verið erlendir og innlendir aðilar sem tóku þátt en ekki liggur fyrir hvaða íslensku fjárfestar tóku þátt. Forsvarsmenn WOW ætla heldur ekki að veita nein viðtöl að svo stöddu. Í tilkynningu er haft eftir Skúla Mogensen, forstjóra og eiganda WOW, að niðurstaða útboðsins sé mikil hvatning til að efla enn frekar alþjóðlegt flug og ferðaþjóustu hér á landi.

Næstu skref í fjármögnun WOW air eru skráning hlutabréfa félagsins innan 12 til 18 mánaða bæði hér heim og í útlöndum.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …