Samfélagsmiðlar

Mjúk lending undir bönkunum komin

WOW air flutti um hálfa milljón ferðamanna til landsins í fyrra og nú er rætt um aðkomu bankanna að fjármögnun félagsins. Lán þeirra til ferðaþjónustufyrirtækja námu 223 milljörðum um síðustu áramót.

wow radir

„Fjármálaráðherra hefur enga vitneskju um það hvort ríkisbankar ætli að taka þátt og hefur enga aðkomu að slíkum ákvörðunum eins og lög gera ráð fyrir,” sagði í svari Svanhildar Hólm Valsdóttur, aðstoðarkonu Bjarna Benediktssonar fjármálaráðaherra, um meinta aðkomu ríkisbanka að skuldabréfakaupum í WOW air í frétt Túrista á laugardag. Þar var sagt frá orðrómi um að forsvarsmenn flugfélagsins hafi leitað til íslensku bankanna í von um þátttöku þeirra í skuldabréfaútgáfunni sem staðið hefur yfir síðustu vikur. Í frétt Fréttablaðins í dag kemur svo fram að heimildir blaðsins hermi að bankastjórar hafi fundað með ráðgjöfum og stjórnendum WOW air í gær til að tryggja að lágmarksstærð yfirstandandi skuldabréfaútboðs félagsins, sem er jafnvirði um 5,5 milljarða króna, verði náð.

Af þessum fréttum að dæma þá er ljóst að staðan í dag er allt önnur en sú sem Fréttablaðið greindi frá fyrir 12 dögum síðan. Þá sló blaðið því upp á forsíðu að Skúli hefði tryggt sér milljarða króna og að nokkrir erlendir fjárfestar hefðu þegar skráð sig fyrir stórum hluta skuldabréfaútboðsins. Nú er staðan hins vegar sú að íslenskt fjármagn þarf til svo hægt sé að klára fjármögnunina.

Hvort bankarnir kaupi skuldabréf í WOW eða veiti flugfélaginu lán á elleftu stundu á eftir að koma í ljós en hagsmunir eru miklir. Um síðustu áramót námu lán til greinarinnar um 223 milljörðum króna í lánabókum Arion banka, Íslandsbanka og Landsbanka. Það jafngildir um 15 prósentum af heildarlánum bankanna til fyrirtækja samkvæmt árskýrslu Fjármálaeftirlitsins. Mikilvægi WOW air fyrir ferðaþjónustuna er líka mikið því í fyrra flutti félagið um hálfa milljón ferðamanna til landsins eða um einn af hverjum fjórum sem hingað komu. Til samanburðar nam fjöldinn hjá Icelandair um 730 þúsund og félögin tvö standa því undir ríflega helmingi af ferðum útlendinga til Íslands.

Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …