Samfélagsmiðlar

Segir óvissuna ekki hafa komið niður á sölu hótelanna

Undirbúningur á sölu hótela Icelandair er langt kominn. Umrótið sem skuldabréfútboð WOW air olli hefur ekki haft neina áhrif á ferlið að mati forstjóra Icelandair Group.

Frá Canopy hótelinu í Reykjavík sem tilheyri Icelandair hótelunum.

Í vor gáfu stjórnendur Icelandair Group það út að hótelhluti fyrirtækisins væri til sölu. Um er að ræða næststærsta hótelfyrirtæki landsins sem telur samtals 17 gististaði með hátt í tvö þúsund herbergi. Við þetta bætist rekstur sumarhótelkeðjunnar Hótel Edda. Þá stefnir fyrirtækið á opnun nýs hótels við Austurvöll í samstarfi við Hilton á næsta ári.

„Gagnasöfnun og undirbúningsvinna ráðgjafa félagsins, annars vegar Íslandsbanka og hins vegar breska fyrirtækisins HVS Hodges Ward Elliot, sem sérhæfir sig í viðskiptum með hótel, er langt komin og síðan fer formlegt söluferli í gang,“ segir Bogi Nils Bogason, forstjóri Icelandair Group, um stöðu mála. Hann segir ekki horft til þess að ganga frá sölunni í ár. „Við erum ekki að horfa á neina sérstaka dagsetningu í þessum efnum. Það er mikill áhugi á félaginu og mikilvægt að vanda til verka. Eins og kom fram í tilkynningu okkar um söluna á sínum tíma erum við að horfa til þess að hámarka virði eignanna á sama tíma og horft verður til hagsmuna íslenskrar ferðaþjónustu, starfsmanna og annarra hagsmunaaðila,“ svarar Bogi.

Fyrir rúmum fjórum mánuðum, þegar tilkynnt var að Icelandair hótelin yrðu seld, var spennan í kringum íslensku flugfélögin miklu minni en hún hefur verið síðustu vikur. Og óhætt er að segja að skuldabréfaútboð WOW air, sem fór fram fyrir opnum tjöldum, hafi ollið skjálfta í íslenskri ferðaþjónustu því hátt í fjórði hver ferðamaður sem hingað kemur flýgur með WOW.

Bogi segir að þetta ástand hafi ekki seinkað söluferlinu né lækkað væntingar um söluverð hótelanna. „Hins vegar hefur þessi atburðarás ekki farið framhjá mönnum. Það er alltaf ákveðin óvissa í spám um fjölda ferðamanna til Íslands. Ein breyta í þeirri jöfnu eru flugsamgöngur til landsins og fregnir af fjárhagslegum erfiðleikum flugfélags auka á þá óvissu,“ segir Bogi.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …