Samfélagsmiðlar

Var högg fyrir íslenska ferðaþjónustu

Airberlin skildi eftir sig stórt skarð í framboði á Íslandsflugi frá Þýskalandi. Umtalsverður samdráttur í komum þýskra ferðamanna til Íslands er ein af afleiðingunum.

Á árunum fyrir hrun voru þotur erlendra flugfélaga sjáldséðar á Keflavíkurflugvelli. Hið þýska Airberlin var þó eitt þeirra sem hingað flugu og lengi vel var það umsvifamesta útlenda flugfélagið hér á landi. Þá bauð félagið upp á Íslandsflug frá nokkrum þýskum borgum yfir sumarmánuðina og tvisvar í viku frá Berlín og Dusseldorf yfir veturinn. Rekstur flugfélagsins var þó lengi vel í járnum og í lok síðasta sumars fóru stjórnendur þess fram á greiðslustöðvun. Gjaldþroti var svo lýst yfir í vetrarbyrjun og þá grípu forsvarsmenn Isavia til þess úrræðis að kyrrsetja eina af þotum Airberlin vegna vangoldinna flugvallagjalda.

Sú skuld fékkst greidd að lokum en segja má að hún hafi verið lítil sárabót fyrir þann mikla skaða sem íslensk ferðaþjónustu hlaut af falli Airberlin. Félagið var nefnilega mjög umsvifamikið og síðasta sumar flugu þotur félagsins 190 ferðir til Íslands samkvæmt talningu Túrista. Um borð voru sæti fyrir um 34 þúsund farþega og miðað við eðlilega sætanýtingu og lágt hlutfall íslenskra farþega má gera ráð fyrir að félagið hafi flutt hingað til lands að minnsta kosti 25 þúsund erlendra ferðamenn í fyrra. Þar hefur bróðurparturinn verið Þjóðverjar en þýskum ferðamönnum fækkaði hér á landi um nærri 18 þúsund í sumar samkvæmt talningu Ferðamálastofu. Áhrifanna gætti ekki eins mikið fyrstu mánuði ársins enda sækja Þjóðverjar aðallega í Íslandsferðir yfir sumarið og því voru áætlunarferðir Airberlin fáar yfir vetrarmánuðina.

Fleiri ástæður

Það væri einföldun að skrifa allan þennan samdrátt á fall Airberlin. Forsvarsmenn Icelandair voru til að mynda snöggir til og hófu flug til Berlínar nánast um leið og rekstur Airberlin stöðvaðist. WOW air bætti líka við ferðum til höfuðborgarinnar. Aftur á móti fækkaði ferðum Icelandair til Munchen og Frankfurt á sama tíma. Það hafði líka neikvæð áhrif að stjórnendur Eurowings og Lufthansa settu Ísland ekki í forgang þegar þeir kepptust við að fylla þau skörð sem helsti keppinautur þeirra skildi eftir sig á þýska markaðnum.

Íslenskir ferðaskipuleggjendur hafa líka bent á að tillögur um hækkun virðisaukaskatts á íslenska ferðaþjónustu í fyrra hafi haft slæm áhrif á sölu Íslandsferða í ár þar sem erfitt var að verðleggja ferðirnar vegna óvissunnar sem áform ríkisstjórnarinnar ullu. Á sama tíma hafði krónan styrkst verulega.

Sumaráætlun næsta árs í vinnslu

Hvernig flugsamgöngum milli Íslands og Þýskalands verður háttað næsta sumar á eftir að koma í ljós. Forsvarsfólk Icelandair hefur talað um að leiðrétta þurfi það ójafnvægi sem var á leiðakerfi félagsins í sumar þar sem áherslan á Bandaríkin var of mikil. Hvernig Íslandsflugi Eurowings verður háttað í sumar liggur ekki fyrir samkvæmt upplýsingum frá flugfélaginu og sömu sögu er að segja af Lufthansa. Þotur þessa stærsta flugfélags Þýskalands fljúga hingað allt árið um kring frá Frankfurt og frá Munchen á sumrin.

Nýtt efni

Stjórnendur rafbílaframleiðandans Tesla leita nú leiða til að draga úr kostnaði og horfa þeir til þess að segja upp 14 þúsund starfsmönnum eða um 10 prósent af vinnuaflinu. Þetta kemur fram í tölvupósti sem forstjóri félagsins, Elon Musk, sendi til starfsfólks samkvæmt frétt sem fagritið Electrek birti í morgun. „Ég hata ekkert meira en þetta …

Stefnt er að því að á hótelinu verði veitingastaður, ráðstefnu- og veislusalur ásamt heilsulind. Síðan er ætlunin að stækka Skógarböðin og tengja þau hótelinu.  Samkvæmt fréttatilkynningu er um að ræða fimm milljarða króna fjárfestingu. Áætlað er að hótelið verði opnað eftir tvö ár, vorið 2026.  „Þetta er virkilega spennandi verkefni sem við hjá Íslandshótelum hlökkum …

Hver hlutur í Icelandair kostaði fyrir opnun Kauphallarinnar í morgun 1 krónu og fjóra aura. Verðið hefur ekki verið svona lágt síðan í nóvember árið 2020 en þá hafði félagið nýverið efnt til hlutafjárútboðs þar sem sölugengið var 1 króna á hlut. Í dag er markaðsvirði Icelandair 43 milljarðar króna og hefur það lækkað um …

Stafræna byltingin gerði fjarvinnu auðveldari og heimsfaraldurinn festi það vinnufyrirkomulag í sessi. Stór og vaxandi hópur fólks nýtir sér þá möguleika sem felast í þessu frelsi - að geta unnið verk sín eiginlega hvar sem er í heiminum, skila unnum verkum af sér án þess að mæta á tiltekinn stað á tilgreindum tíma. Áætlað er …

Sigurð Örn Ágústsson, fyrrum forstjóri Bláfugls, hefur verið ráðinn framkvæmdastjóri viðskiptaþróunar hjá Play. Um er að ræða nýtt svið innan flugfélagsins og verður Sigurður Örn hluti af framkvæmdastjórn flugfélagsins sem nú telur átta manns, einum fleiri en í yfirstjórn Icelandair. Í tilkynningu segir að Sigurður Örn muni hafa það hlutverk að leiða frekari þróun þvert …

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …