Samfélagsmiðlar

Vill skammta Norðmönnum flugferðir

Markmiðið með flugskattinum í Noregi er að draga úr flugumferð. Einn af þingmönnum Vinstriflokksins á Stórþinginu hefur lagt fram nýja og mun strangari leið að sama marki.

Norska vísitölufjölskyldan myndi ólíklega finna fyrir því ef tillögur þingmannsins Ketil Kjenseth næðu fram að ganga.

Það er engum blöðum um það að fletta að losun gróðurhúsalofttegunda í tengslum við flugumferð er umtalsverð. Þannig er losun á hvern farþega í þriggja tíma millilandaflugi álíka mikil og frá fólksbíl í fjóra mánuði eða svo. Og til að draga úr menguninni þá settu Norðmenn á flugskatt sem nemur um þúsund krónum á hvern fluglegg. Var vonast til að þetta myndi draga úr ferðagleði íbúa landsins.

Þessi skattheimta hófst í hittifyrra og síðan þá hefur farþegunum fjölgað á stærstu flugvöllum Noregs. Á sama tíma á innanlandsflugið í vök að verjast og í vikunni sagði framkvæmdastjóri Widerøe flugfélagsins að til stæði að leggja niður flug til 18 af þeim 23 þorpum sem félagið flýgur til. Ástæðan væri sú að lagfæringar á flugskattinum ganga ekki nógu langt. Það er nefnilega ætlunin að tvöfalda skattinn á millilandaflugið en lækka á innanlandsflugið um tíund. Sú lækkun er hins vegar ekki nóg að mati forsvarsmanna Widerøe.

Nú er svo komin fram ný tillaga um hvernig megi halda Norðmönnum á jörðinni og hún gengur út á að setja kvóta á flug íbúa landsins. Hver íbúi fær þá úthlutuðum 10 ferðum og þeir sem þurfa að fljúga oftar geta þá keypt ferðir af þeim sem ekki nýta allar sínar tíu. Það er Ketil Kjenseth, þingmaður Vinstri flokksins og formaður orku- og umhverfisnefndar Stórþingsins, sem leggur þetta til samkvæmt frétt danska flugritsins Checkin.

Þingmaðurinn segist líka vera opinn fyrir því að kvótinn miðist við ákveðna losun eða aðeins millilandaflug. Hann segist átta sig á að þessar tillögur séu umtalsverð inngrip inn í líf fólks en Norðmenn verði að spyrja sig hvort þeir vilji áfram vera heimsmeistarar í fjölda flugferða eða ekki.

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …