Samfélagsmiðlar

Icelandair á topplista Conde Nast Traveler

Lesendur eins þekktasta ferðatímarits Bandaríkjanna hafa kveðið upp sinn dóm um bestu erlendu flugfélögin.

Þjónustan um borð í flugvélum Icelandair fær jákvæða umsögn hjá Conde Nast Traveler.

Hin árlegu lesendaverðlaun ferðatímaritsins Conde Nast Traveler vekja ávallt athygli enda þykir sómi af því að komast á einn af topplistum blaðsins. Ekki bara af því að Conde Nast Traveler er virt rit heldur af því að þátttakan í kjörinu er alla jafna góð. Þannig bárust um 429 þúsund kjörseðlar að þessu sinni og á listanum yfir bestu flugfélögin, utan Bandaríkjanna, er heiti Icelandair að finna.

Íslenska félagið er reyndar í tuttugasta sæti og segir í umsögn að Ísland hefði aldrei orðið svona vinsæll áfangastaður ef ekki væri fyrir hinar góðu samgöngur til og frá landinu. Icelandair fljúgi til að mynda til 16 bandarískra flugvalla, bjóði upp á fyrsta flokks Saga Class, aðgang að betri stofum og vinalega þjónustu um borð. Aðeins þrjú önnur flugfélög á topplistanum fljúga hingað til lands, það eru Lufthansa, SAS og British Airways.

Bestu alþjóðlegu flugfélögin að mati lesenda Conde Nast Traveler:

  1. Singapore Airlines
  2. Emirates
  3. Qatar Airways
  4. Air New Zealand
  5. Aegan Airlines
  6. Etihad Airways
  7. Korean Air
  8. Virgin Atlantic
  9. Cathay Pacific
  10. Lufthansa
  11. Turkish Airlines
  12. EVA air
  13. Swiss
  14. Qantas
  15. KLM
  16. SAS
  17. Air France
  18. Aer Lingur
  19. British Airways
  20. Icelandair

 

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …