Samfélagsmiðlar

Íslensku flugfélögin aðeins óstundvísari

Í samanburði við stærstu flugfélög Norðurlanda þá héldu Icelandair og WOW ekki eins vel áætlun í október.

Þeir sem flugu með Norwegian eða SAS í nýliðnum október komust að jafnaði á áfangastað á réttum tíma í 80 prósent tilvika á. Þetta má sjá í mánaðarlegum uppgjörum flugfélaganna tveggja. Þar má jafnframt finna upplýsingar um sætanýtingu, farþegafjölda og þróun fargjalda. Hvorki Icelandair né WOW air veita svona ítarlegar upplýsingar í sínum farþegatölum og minnast ekki á stundvísina.

Alþjóðlegur samanburður OAG greiningafyrirtækisins sýnir hins vegar að stundvísi íslensku félaganna var lakari en hjá SAS og Norwegian í síðasta mánuði. Rétt um 7 af hverjum 10 ferðum Icelandair voru á áætlun en hlutfallið var um 74 prósent hjá WOW air. Þess ber þó að geta að tölur OAG fyrir Norwegian og SAS eru aðeins lakari en fram kemur í opinberum tölum fyrirtækjanna tveggja en þó mun betri en hjá þeim íslensku.

Sem fyrr segir þá fær verðþróunin líka sinn sess í mánaðarlegum uppgjörum skandinavísku flugfélaganna og er skemmst frá því að segja að meðalfargjaldið hækkaði hjá SAS en lækkaði hjá Norwegian. Síðarnefnda flugfélagið er í harðri samkeppni við Icelandair og WOW air í flugi yfir Atlantshafið og þróunin hjá Norwegian því vísbending um að meðalfargjaldið hjá íslensku flugfélögunum hafi líka lækkað í október.

Það voru hins vegar þotur WOW sem voru þéttsetnastar í síðasta mánuði þar sem hlutfallið var 88%. Það er tveimur prósentustigum lægri nýting en á sama tíma í fyrra og er þetta í fyrsta skipti í langan tíma sem sætanýtingin hjá WOW lækkar á milli tímabila. Þetta er líka fyrsta uppgjör félagsins eftir yfirtöku Icelandair. Hjá því flugfélagi var 81% sæta skipuð farþegum í október en 85% hjá Norwegian. Lakasta nýtingin var hjá SAS eða 75% en þar hækkaði hins vegar meðalfargjaldið á meðan það lækkaði hjá norska flugfélaginu. Það getur nefnilega verið einfaldara fyrir stjórnendur flugfélaga að fylla sætin en hækka fargjöldin.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …