Samfélagsmiðlar

Þoturnar standa óhreyfðar

Airbus A321 farþegaþoturnar sem WOW seldi til Air Canada hafa ekki tekið á loft svo dögum skiptir. Ekki fást skýringar frá WOW á stöðunni.

TF-MOM er ein af þotunum sem staðið hafa við Flugstöð Leifs Eiríkssonar frá því í þarsíðustu viku.

Þoturnar fjórar sem WOW air seldi til Air Canada í árslok hafa staðið óhreyfðar á Keflavíkurflugvelli í nærri hálfan mánuð. Í tilkynningu sem WOW sendi frá sér, í tengslum við söluna á þotunum til kanadíska flugfélagsins, kom fram að þær yrðu afhentar í janúar. Túristi hefur ekki fengið svör við fyrirspurnum um hvers vegna þoturnar eru ekki nýttar í áætlunarflug WOW fram að afhendingu.

Skýringin á því kann að vera sú að stjórnendur WOW telji það koma betur út fjárhagslega að halda þotunum á jörðu niðri þar sem fargjöld séu einfaldlega of lág um þessar mundir. Tapið af því að láta þær standa er þá minna en af því að fljúga farþegum út í heim. Í fyrrnefndri fréttatilkynningu frá WOW kom fram að legið hafi fyrir að minnka þurfti flugflota félagsins til þess að auka hagkvæmni, draga úr árstíðarsveiflu og hámarka arðsemi.

Vegna sölu flugvélanna fjögurra er gert ráð fyrir að sjóðsstaða WOW air muni batna um 12 milljónir Bandaríkjadala. Það jafngildir um einum og hálfum milljarði króna. Ekki liggur fyrir hvort þoturnar hafi verið seldar yfir eða undir bókfærðu virði þeirra.

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …