Samfélagsmiðlar

Bullandi tap hjá Norwegian

Afkoma norska flugfélagsins á síðasta ársfjórðungi var margfalt verri en á sama tíma í fyrra.

norwegian vetur

Rétt fyrir hádegi í dag tekur á loft frá Keflavíkurflugvelli Boeing þota Norwegian sem tekur stefnuna á Rómarborg. Þó núna séu aðeins nokkrir klukkutímar í brottför þá kostar ódýrasti miðinn aðeins 20 þúsund krónur. Það er ekki mikið fyrir fimm klukkutíma flug til Ítalíu með örstuttum fyrirvara.

Þetta ódýra fargjald er hins vegar langt frá því að vera einsdæmi og það er ein meginskýringin á hinum mikla taprekstri sem einkennt hefur Norwegian síðustu misseri. Og ekkert lát er á því síðustu þrjá mánuði síðasta árs tapaði félagið að jafnaði um 469 milljónum íslenskra króna á dag samkvæmt uppgjöri sem birt var nú í morgun.

Tapið á þessu tímabili var nærri fimmfalt hærra en á sama tíma í hittifyrra og skrifast þessi slæma þróun ekki bara á mikla samkeppni og þar með lág fargjöld. Hátt olíuverð setti líka strik í reikninginn hjá norska flugfélaginu og óhagstæðir samningar um fyrirframkaup á þotueldsneyti. Seinkanir á afhendingu hreyfla frá Rolls-Royce hafa einnig valdið Norwegian tjóni samkvæmt frétt E24 í Noregi.

Ljósu punktarnir í uppfjöri Norwegian voru þeir að einingakostnaðurinn lækkaði um heil 14 prósent og tekjur af aukaþjónustu hækkuðu þónokkuð sem vegur upp á móti hinum lækkandi fargjöldum.

Norwegian flýgur ekki aðeins héðan til Rómar því félagið býður einnig upp á ferðir til Óslóar, Bergen, Alicante, Barcelona og Madrídar. Félagið hefur hins vegar lagt niður ferðir sínar hingað frá London og Stokkhólmi. Rómarflugið verður aðeins í boði út næsta mánuð.

Nýtt efni

Icelandair var stundvísasta flugfélag Evrópu í nýliðnum júní samkvæmt lista greiningafyrirtækisins Cirium. Að jafnaði voru 84 prósent ferða Icelandair á réttum tíma í síðasta mánuði sem er á pari við stundvísina í maí. Í öðru sæti á lista Cirum er Iberia Express og Iberia í þriðja sæti. SAS varð í fjórða og Finnair í fimmta …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …

„Ef maður vill færa út kvíarnar þá verður að taka áhættuna þegar „eina raunverulega" vöruhúsakeðjan í Evrópu er til sölu," segir Ayad Al-Saffar, stofnandi Axcent of Scandinavia, sem um helgina keypti belgíska verslunarfélagið Inno í félagi við fjárfestingafélagið Skel. Stjórnarformaður þess síðastnefnda er Jón Ásgeir Jóhannesson sem jafnframt fer fyrir meirihluta í fjárfestingafélaginu en Jón …

Kaupmannahafnarflugvöllur er fjölfarnasta flughöfn Norðurlanda og fóru hátt í 2,9 milljónir farþega þar um í júní eða ríflega þrefalt fleiri en um Keflavíkurflugvöll á sama tíma. Íslenski flugvöllurinn kemst þó á blað yfir vinsælustu áfangastaðina fyrir farþega í Kaupmannahöfn og er í níunda sæti á topplistanum fyrir júní. Í þeim mánuði nýttu 55.515 farþegar sér …

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …