Samfélagsmiðlar

Flugfloti WOW gæti minnkað ennþá meira

Fyrir helgi fór síðasta breiðþota WOW air frá Keflavíkurflugvelli og félagið er þessa dagana að afhenda fjórar þotur til Air Canada. Fleiri flugvélar gætu verið á leiðinni burtu.

Það voru tuttugu þotur í flugflota WOW air sem kynntur var í tengslum við skuldabréfaútgáfu flugfélagsins í haust. Strax í nóvember fækkaði flugvélunum um fjórar þegar tvær breiðþotur og tvær A320 flugvélar fóru til eigenda sinna í Frakklandi. Í flota WOW voru eingöngu fjórar þotur á kaupleigu og þær seldi WOW svo nýverið til Air Canada. Fyrir helgi fór þriðja og síðasta breiðþotan sem flugfélagið hefur haft afnot af.

Eftir standa þá 11 þotur og hefur Skúli Mogensen, forstjóri og eigandi WOW, gefið út að endurskipulagning flugfélagsins byggi á þeim fjölda flugvéla. Áreiðanlegar heimildir Túrista herma hins vegar að nú sé til skoðunar að fækka þotunum um tvær til þrjár í viðbót. Þessi breyting myndi hafa veruleg áhrif á farþegafjölda WOW air og áformin um rúmlega 2 milljónir farþega í ár gætu þá verið í hættu. WOW flaug til að mynda með 1,6 milljónir farþega árið 2016 þegar þoturnar voru 9 á fyrri helmingi ársins en svo bættust þrjár breiðþotur við á þeim seinni.

Sem fyrr segir hefur Túristi ekki fengið svör frá Skúla Mogensen, við fyrirspurn um þessa meintu fækkun í flugflota félagsins. En líkt kom fram í umfjöllun CNBC í dag, sem íslenskir fjölmiðlar hafa sagt frá í kvöld, þá telur Ben Baldanza, fyrrum stjórnarmaður í WOW air og samstarfsfélagi William Franke, stjórnanda Indigo Partners, að Franke muni gera kröfu um að stjórna flugleiðum og flota WOW air ef hann á endanum fjárfestir í félaginu. Fresturinn sem Indigo Partners hefur til að ganga frá samningi við Skúla rennur út í lok febrúar samkvæmt þeim breytingum sem skuldabréfaeigendur félagsins gáfu samþykki sitt fyrir nýverið.

Þess ber að geta að WOW air gerði í hittifyrra samning um leigu á fjórum splunkunýjum breiðþotum og stóð til að fyrri tvær kæmu hingað til lands í þessum mánuði. Túristi hefur ekki fengið svör frá WOW air né eiganda flugvélanna hvort íslenska flugfélagið sé ennþá skuldbundið til að taka við þotunum. Leiga á einni slíkri gæti numið hátt í 100 milljónum króna á mánuði.

Nýtt efni

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

Icelandair var stundvísasta flugfélag Evrópu í nýliðnum júní samkvæmt lista greiningafyrirtækisins Cirium. Að jafnaði voru 84 prósent ferða Icelandair á réttum tíma í síðasta mánuði sem er á pari við stundvísina í maí. Í öðru sæti á lista Cirum er Iberia Express og Iberia í þriðja sæti. SAS varð í fjórða og Finnair í fimmta …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …

„Ef maður vill færa út kvíarnar þá verður að taka áhættuna þegar „eina raunverulega" vöruhúsakeðjan í Evrópu er til sölu," segir Ayad Al-Saffar, stofnandi Axcent of Scandinavia, sem um helgina keypti belgíska verslunarfélagið Inno í félagi við fjárfestingafélagið Skel. Stjórnarformaður þess síðastnefnda er Jón Ásgeir Jóhannesson sem jafnframt fer fyrir meirihluta í fjárfestingafélaginu en Jón …

Kaupmannahafnarflugvöllur er fjölfarnasta flughöfn Norðurlanda og fóru hátt í 2,9 milljónir farþega þar um í júní eða ríflega þrefalt fleiri en um Keflavíkurflugvöll á sama tíma. Íslenski flugvöllurinn kemst þó á blað yfir vinsælustu áfangastaðina fyrir farþega í Kaupmannahöfn og er í níunda sæti á topplistanum fyrir júní. Í þeim mánuði nýttu 55.515 farþegar sér …

Þegar heimsfaraldurinn hófst í febrúar árið 2020 lækkaði gengi hlutabréfa í ferðaþjónustufyrirtækjum hratt og hjá Icelandair fór það niður um þrjá fjórðu fyrstu mánuðina eftir að landamærum var lokað til að hefta útbreiðslu veirunnar. Gengið hélt svo áfram að lækka fram á haustið þegar efnt til hlutafjárútboðs þar sem hver hlutur var seldur á 1 …

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …