Samfélagsmiðlar

Skúli og breiðþoturnar

Fjórar 365 sæta farþegaflugvélar áttu að bætast við flota WOW air í ár. Tvær þeirra standa fullmálaðar við verksmiðju Airbus í Toulouse. Leiga á einni þotu af þessari gerð getur numið um 100 milljónum króna á mánuði.

TF-BIG sem bíður við verksmiðju Airbus í Toulouse. Hin þotan sem stendur þar nýmáluð er TF-MOG, nefnd eftir eiganda og forstjóra WOW.

Nú er áætlunarflugi WOW air er til Nýju Delí á Indlandi lokið og stóð það aðeins yfir í sex vikur. Framtíðaráform Skúla Mogensen voru önnur því flugfélagið átti að verða stórtækt í flugi til Asíu. Af  þeim sökum gekk hann snemma árs 2017 frá tólf ára leigusamningi á fjórum nýjum Airbus A330-900neo breiðþotum. Þessar 365 sæta flugvélar átti að nota í áætlunarferðir frá Keflavíkurflugvelli til Austurlanda líkt og kom fram í kynningu á skuldabréfaútboði WOW í lok síðasta sumars. Þar sagði að fyrri tvær þoturnar yrðu afhentar í lok síðasta árs en þær seinni í lok árs 2019.

Stuttu eftir að skuldabréfaútboðinu lauk greindi Túristi frá því að félagið hefði fækkað ferðum sínum til Nýju Delí úr fimm vikulegum ferðum í þrjár. Dráttur á afhendingu á fyrri tveimur breiðþotunum var skýringin sem gefin var á þessari breytingu. Í tilkynningu sem WOW sendi frá sér stuttu síðar kom fram að þoturnar kæmu til Íslands í febrúar 2019.

Í millitíðinni hefur flugáætlun WOW verið kollvarpað og Skúli viðurkennt að hann hafi farið fram úr sjálfum sér þegar WOW tók í notkun breiðþotur árið 2016. Nú hefur tveimur af þeim þremur breiðþotum sem WOW hefur haft á leigu síðustu ár verið skilað til Tarbes í Frakklandi. Sú þriðja, TF-GAY, hefur staðið á Keflavíkurflugvelli allt frá því að hún kom úr síðustu ferð félagsins til Los Angeles síðastliðinn mánudagsmorgun.

Að skila breiðþotu áður en leigutíma er lokið er dýrt og það kostar líka að láta þotu standa á flugbraut svo dögum skiptir. Leiga á splunkunýrri breiðþotu getur numið um 100 milljónum króna á mánuði eða rúmum þremur milljónum á dag samkvæmt þeim viðmælendum Túrista sem vel þekkja til.

TF-GAY er þó ekki eina fjólubláa breiðþotan, merkt WOW air, sem stendur óhreyfð á flugbraut. Í Toulouse í Frakklandi, við verksmiðjur Airbus flugvélaframleiðandans, eru þessar tvær fyrrnefndu þotur sem WOW air leigði fyrir tveimur árum og áttu að koma hingað til lands í lok síðasta árs. Afhendingu þeirra var svo seinkað fram í febrúar nk. Talsmaður Airbus staðfestir í svari til Túrista að þoturnar TF-BIG og TF-MOG(ensen) standi í Toulouse. Ekki fást hins vegar upplýsingar um hvort hreyflar eru komnir á þoturnar og þær tilbúnar til flugtaks. Hvorki Skúli né leigusali flugvélanna svarar spurningum Túrista um hvort þoturnar eru ennþá á ábyrgð WOW eða ekki.

Ef WOW air hefur fengið þoturnar tvær afhentar þá er má gera ráð fyrir að flugfélagið sé í dag skuldbundið til greiða allt að tvö hundruð milljónir á mánuði í leigu á þotunum tveimur  sem er í Toulouse. Miðað við fyrri yfirlýsingu  WOW þá fær félagið hins vegar fyrst lyklana að nýju þotunum í næsta mánuði og tíminn sem Skúli hefur til að semja við eiganda flugvélanna er því knappur vilji hann komast hjá háu leigugreiðslunum.

Það er þó ekki víst að viðsemjendur hans séu til í að sleppa honum nema til komi umtalsverðar bætur því sem fyrr segir er leigusamningurinn til 12 ára. Skuldbinding WOW nemur því 20 til 30 milljörðum króna. Sú upphæð tvöfaldast ef félagið hefur ekki ennþá komist hjá því að taka við seinni tveimur þotunum í lok árs. Til samanburðar nam nýleg skuldabréfaútgáfa félagsins rúmum 8 milljörðum króna. Í síðustu viku samþykktu eigendur bréfanna að skerða réttindi sín en sú breytingin var forsenda fyrir fjárfestingu Indigo Partners í WOW air.

Í ljósi upphæðanna sem um ræðir í tengslum við leigusamning WOW við eigenda breiðþotanna fjögurra þá má álykta að eftirgjöf á samningnum sé ekki minni ásteytingarsteinn í viðræðum Skúla við Indigo Partners en breyttir skuldabréfaskilmálar voru. Sem fyrr segir hefur Túristi ekki fengið svör frá Skúla né eiganda flugvélanna fjögurra.

Nýtt efni

Eftirspurn eftir ferðalögum til útlanda meðal Íslendinga er áfram sterk fullyrti Bogi Nils Bogason, forstjóri Icelandair, á kynningu á nýju uppgjöri flugfélagsins nú í morgun. Farþegum Icelandair frá heimamarkaðnum fækkaði hins vegar um 9 prósent á öðrum ársfjórðungi í samanburði við sama tímabil í fyrra. Þennan samdrátt útskýrði Bogi Nils með því að benda á …

Í byrjun júlí tóku gildi bráðabirgðatollar á rafbíla sem fluttir eru inn frá Kína til aðildarríkja Evrópusambandsins. Var gripið til þessa eftir að rannsókn á vegum Framkvæmdastjórnar Evrópusambandsins leiddi í ljós að kínverska framleiðslan nyti óeðlilega mikils ríkisstuðnings og skaði því evrópskir rafbílaframleiðendur. Aukatollurinn, sem nú leggst ofan á þann 10 prósent toll sem fyrir …

Á öðrum ársfjórðungi í fyrra hagnaðist Icelandair um 2,1 milljarð króna fyrir skatt en núna var niðurstaðan hagnaður upp á 73 milljónir króna. Í dollurum, uppgjörsmynt Icelandair, var rekstrarafkoman (Ebit) jákvæð um 3,3 milljónir dollara en 21 milljón í fyrra. Sú niðurstaða var sú besta í mörg ár eins og sjá má. Skilyrði til flugrekstrar …

Fyrir fjórum vikum síðan boðaði Lilja Dögg Al­freðsdótt­ir, menn­ing­ar- og viðskiptaráðherra, átak í markaðssetningu á Íslandi sem áfangastað fyrir ferðamenn. Segja má að ráðherrann hafi verið að svara kalli forsvarsfólks ferðaþjónustunnar sem hvatt hefur til opinberrar kynningar á Íslandi sem áfangastað líkt og víða tíðkast. Tveimur dögum eftir að Lilja Dögg lofaði „hundruðum millj­óna“ til …

Stjórnendur Icelandair og Play gáfu það út í sumarbyrjun að fargjöld hefðu lækkað vegna mikillar samkeppni í flugi yfir Atlantshafið. Félögin tvö þurfa nú í auknum mæli að sækja á þann markað þar sem minni eftirspurn er eftir Íslandsferðum. Gallinn er hins vegar sá að farþegar sem fljúga milli Evrópu og N-Ameríku, með millilendingu á …

Í júní í fyrra voru óvenju margir bandarískir ferðamenn á landinu miðað við flugframboð. Nú í sumar hefur flugferðunum fjölgað um 12 prósent en samt fækkaði bandarískum ferðamönnum um 19 prósent í nýliðnum júní. Það er Icelandair sem er langumsvifamest í flugi héðan til Bandaríkjanna og stóð félagið undir 7 af hverjum 10 flugferðum héðan …

Víðast hvar eru gistinætur útlendinga helsti mælikvarðinn á gang mála í ferðaþjónustu enda nær eingöngu eyríki að telja ferðafólk við landamæri með einföldum hætti. Hjá frændþjóðum okkar eru gistinæturnar því aðalmálið og nú fjölgar erlendu gestunum í Noregi þónokkuð frá fyrra ári en forsvarsfólk íslenskra ferðaþjónustufyrirtækja hefur undanfarna mánuði bent á harðnandi samkeppni við þau …

helsinki yfir

Hagstofur víða birta nú nýjar verðlagsmælingar sem flestar sýna að verðbólga er á niðurleið. Nú í morgunsárið var komið að finnsku hagstofunni og þar sýna tölur að verðlag hefur hækkað um 1,3 prósent síðastliðna 12 mánuði. Á milli maí og júní fór verðbólgan niður um 0,2 prósent. Það voru lækkandi húsnæðisvextir og fallandi verð á …