Samfélagsmiðlar

Icelandair fellir niður sumarflug til Halifax og Cleveland

Þotur Icelandair munu ekki snúa aftur til tveggja borga vestanhafs í sumar og skrifast það meðal annars á kyrrsetningu MAX þota félagsins.

Frá Cleveland.

Kanadíska borgin Halifax hefur lengi verið hluti af sumaráætlun Icelandair en að þessu sinni verður ekkert af ferðum flugfélagsins til borgarinnar. Haft er eftir upplýsingafulltrúa flugvallarins í Halifax í frétt The Chronicle Herald að breytingin skrifist á kyrrsetningu Boeing MAX þota Icelandair.

Það mun einnig vera ástæðan fyrir því að flugfélagaið mun ekki taka upp þráðinn í ferðum sínum til bandarísku borgarinnar Cleveland í sumar. Þangað hóf félagið að fljúga síðastliðið vor og hafði ráðgert að snúa þangað á ný í maí. Staðarblaðið The Cleveland Plain Dealer hefur það hins vegar eftir talsmanni Icelandair vestanhafs að ástandið á MAX þotunum hafi haft sitt að segja varðandi þessa ákvörðun og Cleveland hafi verið einn þeirra áfangastaða sem þurfti að fella niður. Sömu örlög biðu flugsins til Halifax sem fyrr segir.

Þrjár af þeim 33 þotum sem Icelandair hefur til umráða eru af gerðinni Boeing MAX og byggir sumaráætlun félagsins á níu þotum af þessari gerð. Túristi hafði það eftir Ásdísi Pétursdóttur, upplýsingafulltrúa Icelandair, í gær að engin ákvörðun hafi verið tekin um hvernig brugðist verði við ef kyrrsetning MAX þotanna dregst á langinn.

Miðað við fréttir frá Halifax og Cleveland þá hefur félagið alla vega fellt niður ferðir þangað vegna ástandsins.

Nýtt efni

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …

Stjórn Volvo Cars ætlar að láta af því verða að minnka hlutinn í sænska rafbílaframleiðandanum Polestar en áformin voru fyrst kynnt í byrjun þessa mánaðar. Fjárfestar tóku tíðindunum vel því hlutabréfin í Volvo hækkuðu í kjölfarið um fjórðung. Endurteknar hlutafjáraukningar Polestar hafa nefnilega haft neikvæð áhrif á gengi Volvo í kauphöllinni í Stokkhólmi samkvæmt frétt …

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …