Samfélagsmiðlar

Óvissa með flug morgundagsins

Ekki er hægt að bóka sæti í flug WOW til flestra áfangastaða félagsins á morgun.

wow radir

Flugáætlun WOW air á morgun gerir ráð fyrir 14 brottförum frá Keflavíkurflugvelli. Þar af eru átta ferðir í fyrramálið en núna er eingöngu hægt að bóka sæti í fjórar þeirra. Í ljósi stöðu WOW verður að teljast ólíklegt að allir miðar til Amsterdam, Parísar, London og Kaupmannahafnar séu þó uppseldir.

Seinni partinn á morgun eiga flugvélar WOW svo að fljúga til fimm borga í Norður-Ameríku auk Tenerife. Núna er aðeins hægt að bóka miða til spænsku eyjunnar og Toronto en ekki til New York, Baltimore/Washington, Boston eða Montreal.

Líkt og Túristi greindi frá í dag þá eru núna níu þotur eftir í flugflota WOW. Þar af er ein í viðhaldi í Slóveníu og þar sem WOW air mun vera með samkomulag við Isavia um að skilja ávallt eina þotu eftir sem tryggingu á Keflavíkurflugvelli þá er ljóst að félagið getur ekki flogið til átta evrópskra áfangastaða á morgun.

En miðað við í hvaða flugferðir ennþá er hægt að bóka sæti í á þessari stundu þá munu þotur WOW, miðað við núverandi stöðu, fljúga til Las Palmas og Tenerife á morgun. Íslenskir farþegar standa undir þessum tveimur flugleiðum og varla gera má ráð fyrir að á fjórða hundrað 400 farþega eigi bóka far með félaginu á morgun frá spænsku eyjunum.

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …