Samfélagsmiðlar

Isavia með tryggingu í flugvélum sem WOW ekki á

Heimildir Fréttablaðsins herma að Isavia og WOW hafi gert með sér samkomulag um að flugfélagið skilji alltaf eftir eina flugvél við Leifsstöð.

wow gma Friðrik Örn Hjaltested

Þær tíu Airbus þotur sem WOW air nýtir í Íslandsflug í dag eru allt leiguvélar. Engu síður hefur Isavia gert samkomulag við flugfélagið um að ávallt sé ein flugvél úr flota WOW air tiltæk á Keflavíkurflugvelli samkvæmt frétt Fréttablaðsins. Þannig hefur Isavia færi á að kyrrsetja flugvélina ef WOW air lendir í greiðsluerfiðleikum eða fer í þrot þar sem eigandi þotunnar getur aðeins fengið hana til sín á ný með því að gera upp skuldir WOW við Keflavíkurflugvöll.

Isavia hefur þar með samþykkt að halda skuld WOW air lifandi í skjóli þess að ríkisfyrirtækið geti á endanum kyrrsett eign sem WOW er með á leigu samkvæmt þessari frétt Fréttablaðsins. Hvorki Isavia né WOW air hafa í dag borið fullyrðingar blaðsins tilbaka og talsmenn fyrirtækjanna tveggja hafa ávallt neitað að tjá sig um meinta skuld flugfélagsins á Keflavíkurflugvelli þegar eftir því hefur verið óskað. Nýjasta vísbendingin um að hún sé þó til staðar er gagnrýni forstjóra Icelandair á skuldasöfnun keppinauta á Keflavíkurflugvelli.

Lausleg athugun Túrista á Flightrader vefsíðunni leiðir í ljós að síðustu daga hefur ein eða fleiri af þotum WOW verið skilin eftir á Keflavíkurflugvelli. Síðustu þrjár morgna hafa þoturnar TF-NEO og TF-GPA til að mynda ekki farið út til Evrópu að morgni en eigandi beggja þessara flugvélar er fyrirtækið Air Lease Corporation. Hefur Túristi óskað eftir viðbrögðum frá forsvarsmönnum fyrirtækisins við frétt Fréttablaðsins um þetta meinta samkomulag Isavia og WOW air.

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …