Samfélagsmiðlar

Viðskiptakröfur Isavia hækkuðu um rúma 2 milljarða

Vanskil viðskiptavina Isavia jukust umtalsvert í fyrra.

„Samkeppnisaðilar hafa fengið að safna upp skuldum á Keflavíkurflugvelli sem skekkir verulega samkeppnisstöðu á markaði,” sagði Bogi Nils Bogason, forstjóri Icelandair Group, aðalfundi flugfélagsins í byrjun mánaðar. Fór ekki á milli mála að þar var forstjórinn að vísa til ógreiddra notendagjalda WOW air á Keflavíkurflugvelli.

Stjórnendur Isavia vildu ekki tjá sig um gagnrýni Boga þegar eftir því var leitað en Björn Óli Hauksson, forstjóri Isavia, kom hins vegar inn á þetta mál í ræðu sinni á aðalfundi Isavia í dag. Sagði hann að Isavia stæði við bakið á viðskiptavinum sínum með hagsmuni heildarinnar að leiðarljósi.

Og það sést á ársreikningi Isavia að fyrirtækið þurfti að sýna viðskiptavinum sínum biðlund í fyrra því að viðskiptakröfur þess hækkuðu verulega. Fóru þær úr tæpum þremur milljörðum í rétt rúma fimm. Nam hækkunin nærri 2,1 milljarði króna á milli áranna 2017 og 2018. Hagnaður Isavia í fyrra nam samtals 4,2 milljörðum kr. sem er aukning um 8 prósent frá fyrra ári.

Fréttablaðið sagði frá því í gær að samkomulag væri milli Isavia og WOW air um að flugfélagið væri alltaf með eina flugvél á Keflavíkurflugvelli sem eins konar tryggingu fyrir ógreiddum reikningum félagsins. Allar þotur WOW air eru hins vegar á leigu líkt og Túristi benti á í gær. Hvorki Isavia né WOW air hafa borið frétt Fréttablaðsins tilbaka.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …