Samfélagsmiðlar

Isavia tjáir sig ekki um gagnrýni Boga

Forstjóri Icelandair Group var harðorður í garð Isavia í ræðu sinni á aðalfundi á föstudag. Forsvarsfólk Isavia ætlar þó ekki að svara honum að sinni.

Flugvélar Icelandair og WOW við Leifsstöð.

Rekstur Icelandair Group takmarkast ekki við flugfélagið Icelandair því innan samsteypunnar eru meðal annars stærsta hótelfyrirtæki landsins og Iceland Travel, einn stærsti skipuleggjandi Íslandsferða. Icelandair Group hafði jafnframt frumkvæði að stofnun fjárfestingarsjóðs sem hefur fjárfest í afþreyingartengdri ferðaþjónustu eins og Bogi Nils Bogason, forstjóri fyrirtækisins, rakti á aðalfundi félagsins fyrir helgi. Sagði hann að áhersluna, í rekstri og fjárfestingum Icelandair Group, hafa verið á að laða til landsins virðisaukandi ferðamenn.

Hann vill hins vegar meina að stefnuleysi yfirvalda hafi orðið til þess að ferðamannaflóran hér á landi sé önnur. „Engin stefna var mótuð og hingað hafa streymt ferðamenn sem hafa keypt flugfargjöld langt undir kostnaðarverði, þrátt fyrir að lítil sem engin þjónusta sé innifalin. Þetta hefur verið látið viðgangast, að því virðist, algjörlega eftirlitslaust af yfirvöldum og opinbera hlutafélagið sem rekur Keflavíkurflugvöll virðist hafa spilað með og í raun hvatt til þessarar þróunar. Samkeppnisaðilar hafa fengið að safna upp skuldum á Keflavíkurflugvelli sem skekkir verulega samkeppnisstöðu á markaði.“

Það dylst engum að þarna er forstjórinn meðal annars að vísa til meintrar skuldasöfnunnar WOW air á Keflavíkurflugvelli en Bogi ætti að þekkja hana vel enda keypti hann WOW í byjun nóvember og fékk þá aðgang að skuldastöðu félagsins. Þrátt fyrir þessa hörðu gagnrýni stærsta viðskiptavinar Isavia þá vilja forsvarsmenn þess ekki tjá sig um hana. „Við hjá Isavia sjáum ekki tilefni til að tjá okkur um yfirlýsingar forstjóra Icelandair Group að svo stöddu,“ segir í svari Isavia við fyrirspurn Túrista.

Þess má geta að í morgunútvarpi Rásar 2 í dag ítrekaði Bogi gagnrýni sína á uppsöfnuð ógreidd lendingagjöld WOW air. „Opinberir aðilar virðast vera að fjármagna ósjálfbæran rekstur.“

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …