Samfélagsmiðlar

WOW áfram á eigin fótum

Viðræður WOW og Indigo Partners gætu staðið yfir fram í lok næsta mánaðar. Það stefnir því í fimmtu mánaðamótin sem WOW fer í gegnum eftir að kaupum Icelandair á félaginu var rift.

Þegar 111 starfsmönnum WOW air og tvö hundruð verktökum var sagt upp störfum um miðjan desember þá sagði Skúli Mogensen að félagið gæti staðið á eigin fótum næstu mánuði. Þá var að fara í hönd erfiðasti tími ársins í flugrekstri líkt og WOW air staðfesti í bréfi til skuldabréfaeigenda um þarsíðustu helgi. Þar sagði að fyrsti fjórðungur ársins væri sá þyngsti og að lausafjárstaða félagsins hefði versnað undanfarið. Til marks um það þá hefur WOW ekki haft bolmagn í að gera upp lífeyrissjóðsgreiðslur starfsmanna.

Og nú styttist í fimmtu mánaðamótin sem WOW þarf að fara í gegnum eftir að Icelandair rifti kaupsamningi sínum í lok nóvember. Það stendur nefnilega ekki lengur til að klára viðræðurnar um fjárfestingu Indigo Partners í WOW í lok þess mánaðar eins og áður hafði verið gefið út. Viðsemjendur ætla að gefa sér tíma til 29. apríl og það eru því allar líkur á að WOW air fái ekki inn aukið fé til rekstursins fyrir næstkomandi mánaðamót.

Viðræðurnar hafa nú staðið yfir í nærri fjóra mánuði og á þeim tíma hefur WOW komið eignum í verð. Fyrst voru lendingaleyfi á Gatwick flugvelli seldi til easyJet og Wizz Air en það síðarnefnda er að stórum hluta í eigu Indigo Partners. Auk þess voru fjórar þotur seldar til Air Canada en þetta voru einu flugvélarnar í flota WOW sem voru í eigu félagsins sjálfs. Átti þessi sölusamingur að skila flugfélaginu um 1,2 milljarði króna í lausafé. Í dag eru engar álíka verðmætar eignir eftir í fyrirtækinu og eins og segir í bréfi til skuldabréfaeigenda þá er lausafjárstaðan ekki góð.

Orðrómur er á kreiki að Indigo Partners hafi hætt samningaviðræðum við Skúla Mogensen í dag. Blaðafulltrúi Indigo Partners, segir í svari til Túrista nú í kvöld, að fyrirtækið neiti að tjá sig um málið. Í svari Svanhvítar Friðriksdóttur, upplýsingafulltrúa WOW air, segir að þar sem skuldabréf fyrirtækisins eru skráð í sænsku kauphöllinni þá geti þau ekki tjáð sig á meðan ferlinu stendur.

 

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …