Samfélagsmiðlar

Boða aukið sólarflug

Með falli Primera Air og WOW air hefur framboð á flugi til spænskra sólarstaða takmarkast. Icelandair ætlar að herja á þennan markað af auknum krafti.

Frá sundlaugabakka á Tenerife.

Fjórum sinnum fleiri Íslendingar flugu til Kanarí eða Tenerife á fyrri helmingi síðasta ár en á sama tíma árið 2016 samkvæmt upplýsingum frá spænskum ferðamálayfirvöldum. Samtals voru íslensku túristarnir á eyjunum tveimur um 28 þúsund fyrstu sex mánuðina í fyrra og rekja má hluta af þessari miklu ferðagleði til stóraukins framboðs síðustu ár. Þotur WOW hafa flogið reglulega til Las Palmas og Tenerife og Primera air var einnig með áætlunarflug til eyjanna. Flug Icelandair þangað hefur takmarkast við leiguflug fyrir ferðaskrifstofur. Á því verður fljótlega breyting því félagið ætlar að hefja flug til Suður-Evrópu í flugvélum með aðeins eitt farrými.

„Mun fleiri sæti verða í þessum vélum en í núverandi vélum félagsins sem lækkar kostnað á hvert framboðið sæti og styrkir þ.a.l. samkeppnishæfni félagsins á þessum markaði. Þessar vélar henta betur í flug til áfangastaða sem eru ekki hluti af kjarnaleiðarkerfi Icelandair, t.d. Alicante og Tenerife, og skapa því tækifæri til frekari vaxtar. Gert er ráð fyrir að fyrstu vélarnar með þessari uppsetningu verði komnar í rekstur í byrjun árs 2020,“ segir í tilkynningu frá Icelandair.

Það er því útlit fyrir að það gat sem WOW skildi eftir sig á markaðnum fyrir sólarflug fyrir Íslendinga verði fljótlega fyllt en eins og áður hefur komið fram þá hafa Heimsferðir gengið frá samningi við Norwegian um flug til Kanarí og Tenerife í vetur. Heimsferðir eru í eigu Andra Más Ingólfssonar sem einnig átti Primera Air sem varð gjaldþrota síðastliðið haust.

Önnur umsvifamikil ferðaskrifstofa í sólarlandaferðum er Vita sem er dótturfélag Icelandair Group. Þar með stefnir í að umsvif Icelandair á markaðnum muni aukast ennþá meira á næstunni.

Ferðaskrifstofa Íslands, sem rekur meðal annars Úrval-Útsýn, heyrir ekki undir eitt ákveðið flugfélag. Sömu sögu er að segja af Gamanferðum í dag því WOW air átti 49 prósent hlut í ferðaskrifstofunni.

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …