Samfélagsmiðlar

Segir starfslok ekki skrifast á fall WOW

Nýkjörinn stjórnarformaður Isavia segir leit að nýjum forstjóra Isavia hefjast eftir páska.

„Það er búið að ganga á ýmsu í umhverfi Isavia eins og allir vita, mikil uppbygging en líka áskoranir, bæði í nýliðinni fortíð og á næstu misserum,“ segir Orri Hauksson, stjórnarformaður Isavia, um ástæður þess að Björn Óli Hauksson, forstjóri Isavia, lætur nú að störfum. Orri bendir á að Björni Óli hafi verið búinn sinna stöðunni lengi og hafi talið þetta vera góðan tímapunkt til að hleypa nýju fólki að.

„Björn vildi því láta af störfum núna til að ný manneskja kæmist hratt inn til framtíðar og varð samkomulag um að svo yrði,“ segir Orri jafnframt í svari til Túrista og fullyrðir að uppsögnin eigi ekki tilurð sína í falli WOW eða viðskiptum Isavia við félagið. Morgunblaðið greindi frá því í dag að skuld WOW við Isavia væri nærri tveir milljarðar og hefði eigandi Airbus þotunnar sem Isavia kyrrsetti á Keflavíkurflugvelli, daginn sem flugfélagið varð gjaldþrota, verið krafinn um greiðslu upphæðarinnar.

Ráðningaferli nýs forstjóra hefst eftir páska að sögn Orra en hann tók sjálfur nýverið við sem stjórnarformaður Isavia eftir að Ingimundur Sigurpálsson lét af embættinu á aðalfundi fyrirtækisins þann 21. mars síðastliðinn. Ingimundur hafði þá verið stjórnarformaður í fimm ár.

Nýtt efni

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …

Stjórn Volvo Cars ætlar að láta af því verða að minnka hlutinn í sænska rafbílaframleiðandanum Polestar en áformin voru fyrst kynnt í byrjun þessa mánaðar. Fjárfestar tóku tíðindunum vel því hlutabréfin í Volvo hækkuðu í kjölfarið um fjórðung. Endurteknar hlutafjáraukningar Polestar hafa nefnilega haft neikvæð áhrif á gengi Volvo í kauphöllinni í Stokkhólmi samkvæmt frétt …

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …