Samfélagsmiðlar

Indigo Partners kaupa nýju langdrægu Airbus þotuna

Líkt og útlit var fyrir þá hafa fyrrum viðsemjendur WOW air ákveðið að gera breytingar á flugvélapöntun sinni hjá Airbus.

Tölvuteikning af Airbus A321XLR sem kemur væntanlega er í loftið 2023.

Flugfélög og flugvélaleigur halda áfram að tryggja sér eintök af hinni nýju Airbus A321XLR farþegaþotu. Sú er langdrægari en aðrar þotur af svipaðri stærð og mun þannig komast frá Keflavíkurflugvelli til Kaliforníu, Dubaí og jafnvel Indlands líkt og Túristi greindi frá á mánudag. Þar kom einnig fram að Indigo Partners, sem íhuguðu fjárfestingu í WOW air í vetur, væri orðað við kaup á þessum nýju þotum.

Nú er komið á daginn að þetta bandaríska fjárfestingafélag ætlar að kaupa fimmtíu slíkar og dreifa þeim á milli þeirra flugfélaga sem Indigo á hluti í. Flestar, eða tuttugu talsins, fara til Wizz Air sem er stórtækt í flugi til Íslands og gæti flugfélagið jafnvel hafið áætlunarflug frá starfstöðvum sínum í austurhluta Evrópu til borga eins og Boston, Toronto og New York. Indigo Partners á þegar inni stóra pöntun hjá Airbus og verður hluti af henni breytt á þann vega að félagið kaupir nú færri A320neo þotur.

Ráðgert er að hinar nýju Airbus A321XLR þotur verði fyrst teknar í gagnið árið 2023.

 

Nýtt efni

Heldur færri beiðnum um vegabréfsáritun var hafnað á Schengen-svæðinu 2023 miðað við árið á undan, 1,6 milljónum eða 15,8 prósentum af heildarfjölda áritana í stað 17,9 prósenta. Flestum beiðnum var að venju hafnað í Frakklandi eða 436.893, samkvæmt frétt SchengenNews, en Frakkar taka líka við flestum beiðnum. Þau ríki sem koma næst á eftir á …

Þegar nýtt íslenskt flugfélag fer í loftið þá er Kaupmannahöfn ávallt meðal fyrstu áfangastaða. Þannig var það í tilfelli Iceland Express, sem þó var ekki fullgilt flugfélag, Wow Air og Play. Hjá öllum þremur var stefnan ekki sett á Stokkhólm fyrr en fleiri þotur höfðu bæst í flotann. Play fór sína fyrstu ferð til sænsku …

Árið 2023 varð landsvæði sem nam tvöfaldri stærð Lúxemborgar eldum að bráð í Evrópu - meira en hálf milljón hektara gróðurlendis eyðilagðist. Samkvæmt upplýsingum Evrópska upplýsingakerfins um gróðurelda (European Forest Fire Information System - EFFIS) voru 37 prósent umrædds lands þakin runnum og harðblaðaplöntum en á 26 prósentum óx skógur.  Auk gríðarlegs tjóns vistkerfisins fylgdu …

Kopar er nú meðal eftirsóttustu hráefna í iðnaði og verð á honum hækkar ört - svipað og gerðist með hráolíuna á áttunda áratugnum eftir að olíuframleiðendur í Arabalöndunum settu viðskiptabann á Bandaríkin og bandalagsríki þeirra vegna stuðnings við Ísrael í Yom Kippur-stríðinu. Mikil hækkun á verði kopars á mörkuðum skýrist raunar að hluta af auknum …

Ísland komst fyrst á kortið hjá United Airlines vorið 2018 þegar félagið hóf áætlunarflug hingað frá New York. Síðar bætti bandaríska flugfélagið við ferðum hingað frá Chicago og í báðum tilvikum voru brottfarir í boði frá frá vori og fram á haust. Í fyrra varð ekkert út Íslandsflugi United frá New York en í lok …

Ferjan Sæfari leggst að bryggju í Sandvík, þorpi Grímseyjar, um hádegisbil eftir um þriggja klukkustunda siglingu frá Dalvík. Ferjan stoppar ekki lengi í eyjunni í þetta sinn heldur leggur aftur af stað frá Grímsey klukkan 14. Dagsferðalangar í Grímsey á veturna stoppa því aðeins í tæpar tvær klukkustundir í eyjunni en leggja á sig meira …

Mótun ferðamálastefnu fyrir Ísland til ársins 2030 var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira en 100 manns að þeirri vinnu. Drög að tillögu til þingsályktunar voru birti í febrúar og …

Þrátt fyrir takmarkað framboð á flugi innan Evrópu þá eru fargjöld ekki á uppleið og verðþróunin er neytendum í hag nú í sumarbyrjun að sögn forstjóra og fjármálastjóra Ryanair sem kynntu nýtt ársuppgjör félagsins nú í morgun. Reikningsár þessa stærsta lágfargjaldaflugfélags Evrópu lauk í lok mars sl. og þar var niðurstaðan hagnaður upp á 1,9 …