Samfélagsmiðlar

Íslenskum hótelgestum fækkar eftir brotthvarf WOW

Í Berlín bókuðu Íslendingar nokkru færri gistinætur í apríl en WOW air var mjög stórtækt í flugi til borgarinnar.

berlin sumar

Sumarstemning í Berlín.

Allt síðasta ár flugu þotur Icelandair og WOW air til Berlínar og þá fjölgaði íslenskum túristum í borginni umtalsvert í samanburði við árið á undan. Þannig voru gistinætur landans um tíund fleiri á hótelum borgarinnar eða samtals um fimmtíu þúsund. Til samanburðar þá keyptu Þjóðverjar um 167 þúsund gistinætur á reykvískum hótelum í fyrra.

Með brotthvarfi WOW air hefur framboð á flugi héðan til þýsku höfuðborgarinnar dregist töluvert saman og í apríl hafði það umtalsverð áhrif á ferðamannastrauminn héðan til borgarinnar. Þannig fækkaði íslenskum gistinóttum í Berlín um fimmtán af hundraði í apríl jafnvel þó allt páskafríið hafi verið í þeim mánuði. Þróunin var álíka neikvæð mánuðinn á undan sem skrifast væntanlega líklega á að páskarnir í fyrra náðu yfir mánaðamótin mars apríl.

Þó bæði Icelandair og WOW hafi flogið reglulega milli Íslands og Berlínar í fyrra þá var WOW air mun stórtækara í farþegaflutningum frá borginni. Þannig nýttu um 85 þúsund farþegar sér ferðir WOW til og frá Schönefeld flugvelli en rétt um 35 þúsund flugu með Icelandair til og frá Tegel. Icelandair hefur í ár fjölgað ferðum sínum til Berlínar og fljúga þotur félagsins þangað tvisvar á dag yfir sumarið.

Nýtt efni

„Tilgangurinn er að sýna hvað höfuðborgarsvæðið hefur að bjóða í ferðaþjónustu og byggja upp þekkingu meðal þeirra sem í henni starfa," sagði Inga Hlín Pálsdóttir, framkvæmdastjóri Markaðsstofu höfuðborgarsvæðisins, þegar FF7 hitt hana skömmu eftir að sýningin HITTUMST var opnuð í Hafnarhúsinu í dag. Nokkur hópur var þegar kominn að skoða það sem í boði er …

Hilton-hótelkeðjan hefur gert samning um byggingu og rekstur tveggja hótela hér á landi í samstarfi við Bohemian Hotels ehf. Stefnt er að því að opna það fyrra við Hafnarstræti á Akureyri næsta sumar en þar verða 70 herbergi og mun hótelið bera heitið Skáld Hótel Akureyri. Seinna hótelið opnar við Bríetartún, við hlið Frímúrarahallarinnar í …

Flugfélagið Play hefur hafið miðasölu á flugi til Cardiff í Wales og er þetta gert vegna mikils áhuga á leikjum íslenska karlalandsliðsins í knattspyrnu gegn Wales í Þjóðadeildinni sem fara fram næstkomandi haust.  Þetta kemur fram í tilkynningu. Íslenska liðið mætir liði Wales á Laugardalsvelli 11. október en liðin mætast aftur á heimavelli Wales í Cardiff …

Í þeirri viðleitni að hemja troðningstúrisma hafa borgaryfirvöld í Amsterdam ákveðið að leyfa ekki byggingu fleiri hótela í miðborginni. Þrátt fyrir að kröfur hafi verið hertar í borginni gagnvart nýbyggingum hótela þá eru yfir 20 hótel nú á teikniborðinu, segir NL Times. Takmörkunin nær auðvitað ekki til þeirra hótela sem þegar hafa verið samþykkt. Túristar …

Como-vatn á Langbarðalandi dregur til sín um 1,4 milljónir ferðamanna á ári - og í glæsihúsum við vatnið hefur margt frægt og ríkt fólk athvarf. Meðal þeirra sem eiga hús þarna eru George Clooney, Donnatella Versace og Richard Branson. Kannski er það ekki síst efnaða fólkið sem orðið er þreytt á átroðningi - að venjulegir …

Allt frá því að Play var skráð á hlutabréfamarkað sumarið 2021 og fram til ársloka 2022 var Fiskisund ehf. stærsti hluthafinn í Play með 8,6 prósenta hlut. Fyrir Fiskisundi fóru þau Kári Þór Guðjónsson, Halla Sigrún Hjartardóttir og Einar Örn Ólafsson, sem lengi var stjórnarformaður flugfélagsins en settist í forstjórastólinn um síðustu mánaðamót. Einar Örn átti einnig …

Flugstöðin í Changi í Singapúr er ekki lengur í efsta sæti á árlegum lista Skytrax yfir bestu flugvellina heldur í öðru sæti. Hamad alþjóðaflugvöllurinn í Doha í Katar toppar nú listann sem birtur var í gær en hann byggir á einkunnagjöf farþega. Í þriðja sæti er Incheon í Seoul en í næstu tveimur sætum eru …

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …