Samfélagsmiðlar

Flestir fljúga til Íslands frá Frankfurt

Farþegafjöldinn í flugi milli Íslands og Þýskalands hefur ríflega tvöfaldast síðustu fimm ár. Flestir nýttu sér áætlunarferðirnar frá Frankfurt.

Frá Frankfurt.

Þýskir ferðamenn hafa lengi verið íslenskri ferðaþjónustu mikilvægir og ekki aðeins vegna þess hversu fjölmennir þeir eru. Það skiptir ekki síður máli hversu margir þeirra fara vítt og breitt um landið og gefa sér tíma í Íslandsreisuna. Góðar flugsamgöngur milli landanna tveggja hafa lengi verið góðar og í fyrra flugu 416.215 farþegar frá þýskum flugvöllum til Íslands. Til samanburðar nam fjöldinn 177.149 farþegum árið 2014 samkvæmt tölum frá þýskum flugmálayfirvöldum. Isavia veitir hins vegar ekki svona upplýsingar og kærði Túristi þá afstöðu til úrskurðarnefndar upplýsingamála fyrir nærri ári síðan. Niðurstaða liggur ekki ennþá fyrir.

Þegar litið er til umferðar eftir flugvöllum kemur í ljós að um fjórir af hverjum tíu farþegum sem fljúga milli Íslands og Þýskalands stigu um borð í flugvélina í Frankfurt. Þaðan hafa Icelandair, Lufthansa og WOW air flogið beint til Íslands allan ársins hring en skipting á milli þessara þriggja flugfélaga liggur ekki fyrir. Næst flestir fljúga hingað frá Berlín eða nærri þrír af hverjum tíu eins og sjá má á grafinu hér fyrir neðan. Til Berlínar flugu í fyrra bæði íslensku flugfélögin, WOW til Schönefeld og Icelandair til Tegel. Það fyrrnefnda var miklu umsvifameira enda með fleiri ferðir. Sumaráætlun Icelandair gerir ráð fyrir mun tíðari ferðum til Berlínar næstu mánuði.

Á tímabili flugu tvö þýsk flugfélög hingað til lands frá þýsku höfuðborginni en annað þeirra, Airberlin, fór í þrot í hittifyrra og Eurowings hefur dregið töluvert úr Íslandsflugi eins og áður hefur verið fjallað um. Nýlegt gjaldþrot þýska flugfélagsins Germania hefur líka þónokkur áhrif á flugsamgöngur milli Þýskalands og Íslands í sumar því það félag bauð upp á áætlunarferðir hingað frá Dresden, Nürnberg og Bremen og var eitt um flugið frá þeim borgum. Þúsundir Þjóðverja flugu með Germania til Íslands í fyrra.

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …