Samfélagsmiðlar

Sjóböðin vinsælli hjá Íslendingum en gert var ráð fyrir

Sjóböðin á Húsavík voru nýverið valin á árlegan lista Time tímaritsins. Hlutfall heimamanna í böðunum hefur verið mun hærra en reiknað var með.

„Þetta er viðurkenning á því að við erum með eitthvað algjörlega einstakt í höndunum og kemur þá vonandi til með að skila sér í auknum áhuga ferðamanna á staðnum,“ segir Sigurjón Steinsson, framkvæmdastjóri Sjóbaðanna, um þýðingu þess að böðin komust á árlegan topplista Time tímaritsins yfir mikilfenglegustu áfangastaði í heiminum. Sjóböðin opnuðu á Húsavíkurhöfða fyrir tæpu ári síðan og eitt af því sem skapar böðunum sérstöðu er útsýnið yfir fjallgarðinn í vestri, Skjálfandaflóann fyrir neðan klettana og heimskautsbauginn við sjóndeildarhring eins og segir í tilkynningu.

Að sögn Sigurjóns hefur ásóknin í Sjóböðin verið nokkuð góð og það styttist í að heimsóknirnar í ár verði orðnar fjörutíu þúsund talsins. Aðspurður segir framkvæmdastjórinn að vægi Íslendinga í þeim hópi hafi verið mun hærra en reiknað var með og um fjórir af hverjum tíu gestum í Sjóböðunum í sumar hafi íslenskir.

Samkvæmt ferðavenjukönnun Ferðamálastofu, sem gerð var síðastliðið sumar, þá tilgreindu 79 prósent erlendra ferðamanna á Húsavík að hvalir og hvalaskoðun væri helsta ástæða þess að þeir lögðu leið sína til bæjarins. Tilkoma Sjóbaðanna kann að hafa í för með sér breytingar á þessu hlutfalli og þá gæti vera útlendinga í bænum líka lengst með fleiri afþreyingarmöguleikum en meðaldvalarlengd útlendinga á Húsavík var 21 klukkustund í fyrrasumar.

Það er nokkru lengri dvöl en sumarið áður þegar hún var um fimmtán klukkustundir. Samkvæmt úttekt Ferðamálastofu þá skrifast sú þróun á hærra hlutfall næturgesta en flestir ferðamenn dvelja í bænum í þrjár til sex klukkustundir.

Nýtt efni

Í byrjun apríl tók Einar Örn Ólafsson við sem forstjóri Play eftir að hafa verið stjórnarformaður þess allt frá því að félagið hóf áætlunarflug fyrir bráðum þremur árum síðan. Stuttu eftir að Einar Örn settist á forstjórastólinn réði hann Sigurð Örn Ágústsson, fyrrum forstjóra Bláfugls, sem framkvæmdastjóra viðskiptaþróunar og gerði Arnar Má Magnússon að aðstoðarforstjóra. …

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …