Samfélagsmiðlar

Thomas Cook gjaldþrota

Á heimsvísu er meira en hálf milljón farþega strandaglópar eftir að stjórnendur Thomas Cook óskuðu eftir gjaldþroti í nótt. Hjá fyrirtækinu störfuðu tuttugu og eitt þúsund manns í sextán löndum.

Þotur Thomas Cook standa nú á jörðu niðri á við og dreif um heiminn.

Rétt fyrir miðnætti í gærkvöld var ennþá hægt að bóka tilboð á sólarlandaferðum á heimasíðum Thomas Cook í Bretlandi. Tæpum klukkutíma síðar var hins vegar tilkynnt að reksturinn hefði verið stöðvaður og voru flugferðir frá Bretlandi felldar niður í kjölfarið. Endalok Thomas Cook hafa legið í loftinu síðustu misseri en vonir stóðu til að takast myndi að endurfjármagna reksturinn. Ný krafa fjármálastofnanna um viðbótarfjármagn upp á um 30 milljarða króna reyndist hins vegar of stór biti.

Áætlað er að um hálf milljón farþega sé í dag á ferðalagi víðs vegar um heiminn á vegum Thomas Cook. Þar af um 150 þúsund Bretar en bresk stjórnvöld hafa gefið út að þeim farþegum verði flogið heim án viðbótar kostnaðar. Samkvæmt frétt Independent munu bresk yfirvöld leigja um fjörutíu þotur í þessa miklu fólksflutninga sem gætu orðið þeir umfangs­mestu á friðartímum þar í landi.

Rekstur Thomas Cook takmarkaðist þó ekki aðeins við Bretland því samsteypan átti líka nokkrar af stærstu ferðaskrifstofum Evrópu og var fyrirtækið til að mynda umsvifamikið í Skandinavíu. Á heimasíðum þessara skandinavísku dótturfélaga er ennþá hægt að bóka ferðir en tekið er fram að framtíð fyrirtækjanna sé óljós á þessari stundu en ljóst sé að þotur systurfélagsins, Thomas Cook Airlines, hafi verið kyrrsettar. Þar með hefur heimferðum 3375 Skandinava í dag verið aflýst.

Ísland var einn þeirra áfangastaða sem Thomas Cook hafði á boðstólum en ekki liggur fyrir hversu umfangsmikil ferðaskrifstofan var í sölu  reisum hingað til lands. Gera má ráð fyrir að skyldutryggingar ferðaskrifstofa dugi til að tryggja viðskiptavinum ferðaskrifstofunnar hér á landi heimferð. Þeir sem eiga inni bókaða ferð með Thomas Cook til Íslands eða annarra landa verða að leita endurgreiðslu, t.d. hjá kreditkortafyrirtækjum.

Sem fyrr segir þá hefur Thomas Cook verið mjög umsvifamikið í Skandinavíu og þá í samkeppni við ferðaskrifstofurnar sem tilheyrðu Primera Travel veldi Andra Más Ingólfssonar. Arion banki tók þá starfsemi yfir í sumar og stendur núna yfir söluferli á þeim rekstri. Gjaldþrot Thomas Cook gæti haft umtalsverð áhrif á það verkefni því telja má líklegt að verulegt rót komist nú á ferðaþjónustumarkaðinn í Skandinavíu.

Nýtt efni

„Afkoma fyrsta ársfjórðungs var í takt við væntingar okkar en rekstrarniðurstaðan í janúarmánuði litaðist af áhrifum alþjóðlegrar umfjöllunar um eldgos á Reykjanesi. Við nýttum þann mikla sveigjanleika sem félagið býr yfir til að laga sætaframboð að markaðsaðstæðum og jukum fjölda tengifarþega um 48 prósent með aukinni áherslu á þann markað þar sem markaðurinn til Íslands …

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …