Samfélagsmiðlar

Ísland ekki hluti að áætlun næsta árs

Eins og staðan er í dag þá munu þotur Eurowings ekki fljúga hingað til lands næsta sumar.

Mörg undanfarin sumur hefur Eurowings, áður German Wings, boðið upp á Íslandsflug frá Þýskalandi yfir helsta ferðamannatímabilið. Þegar mest lét gátu farþegar lággjaldafélagsins flogið hingað frá fimm þýskum borgum en síðastliðið sumar flugu þotur þess eingöngu hingað frá Hamborg og Köln. Í boði voru tvær ferðir í viku frá hvorri borg. Það stefnir hins vegar í að Eurowings taki ekki upp þráðinn næsta sumar því núna er ekkert Íslandsflug á boðstólum á heimasíðu þess. Aðspurður um stöðuna þá segir blaðafulltrúi flugfélagsins, í svari til Túrista, að eins og staðan sé í dag þá haldi Eurowings ekki úti neinu flugi til Íslands. Engar frekari skýringar fást á þessari breytingu.

Eurowings er hluti af Lufthansa Group en líkt og fram kom i viðtali Túrista við Andreas Köster, sölustjóra samsteypunnar, þá skrifaðist samdrátturinn hjá Eurowings síðastliðið sumar ekki á minni hylli Íslands sem áfangastaðar. „Eurowings er fyrst og fremst að takast á við tvö verkefni. Annars vegar samkeppni lággjaldaflugfélaga á heimamarkaði og hins vegar fjölgun ferða til Mallorca.” Hann bætti því við að Eurowings verði að sýna stöðugleika í rekstri og þyrfti því í raun að hafa úr fleiri flugvélum að moða til að geta sinnt fleiri mörkuðum með skilvirkum hætti. „Eurowings kemur vonandi aftur af meiri þunga til Íslands á næstu árum,” sagði Köster í ágúst. Tveimur mánuðum síðar lítur aftur á móti út fyrir að þotur Eurowings verði ekki sjáanlegar við Leifsstöð næsta sumar.

Samkvæmt talningu Túrista þá flugu þotur Eurowings hingað 55 ferðir í sumar og gera má ráð fyrir að um borð hafi verið að minnsta kosti sex til sjö þúsund þýskir ferðamenn. Það lætur þá nærri að félagið hafi flutt um tíunda hvern Þjóðverja sem hingað kom í sumar en Eurowings var eitt um flugið hingað frá Köln en í samkeppni við Icelandair í Hamborg um farþega á leið til Íslands.

Af bókunarvél Icelandair að dæma þá sjá stjórnendur þess tækifæri í að fjölga ferðum sínum til Hamborgar næsta sumar úr sjö í níu í viku. Sú viðbót vegur þá upp á móti brotthvarfi Eurowings þegar litið er til fjölda ferða. Hins vegar er hátt í helmingur farþega Icelandair að jafnaði tengifarþegar á meðan þotur Eurowings voru næsta víst nær eingöngu skipaðar ferðafólki á leið til Íslands.

Samkvæmt heimildum Túrista þá hefur forsvarsfólk annars umsvifamikils flugfélags verið tvístígandi varðandi Íslandsflug á næsta ári.

Nú getur þú tekið þátt í að styrkja og efla útgáfu Túrista

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …