Samfélagsmiðlar

Sætanýtingin verri í fluginu til San Francisco

Á meðan um þrjú af hverjum fjórum sætum voru vanalega skipuð farþegum í flugi Icelandair til og frá Bandaríkjunum þá var nýtingin lægri í ferðunum til og frá Kaliforníu. Einn helsti keppinautur félagsins heldur þó tryggð við borginni þrátt fyrir lægri nýtingu og mikla samkeppni.

Frá San Francisco.

Það eru fimmtán evrópsk flugfélög sem fljúga til og frá San Francisco flugvelli og því mikil samkeppni um farþega á leið yfir Atlantshafið. Sú staða ásamt þeirri staðreynd að borgin var nýr áfangastaður hjá Icelandair kann að skýra að hluta til afhverju sætanýtingin í flugi Icelandair frá San Francisco var aðeins 71 prósent á fyrsta fjórðungi ársins en 76 prósent í öllu Ameríkuflugi félagsins á sama tímabili. Þessa þrjá mánuði flutti Icelandair um 15 þúsund farþega til og frá borginni.

Þessir útreikningar byggja á gögnum frá bandarískum flugmálayfirvöldum en tölur fyrir vorið og sumarið í ár liggja ekki fyrir. Sambærilegar upplýsingar eru ekki opinberar hér á landi.

Icelandair hóf flug til San Francisco í sumarbyrjun 2018 en þá var áratugur liðinn frá því að fyrstu tilraun félagsins til að fljúga til borgarinnar lauk. Samkvæmt því sem fram kemur í tilkynningu frá Icelandair í gær þá var afkoma af flugleiðinni ekki viðunandi. Þar hefur lægri nýting vafalítið nokkur áhrif en í því samhengi er fróðlegt að horfa til írska flugfélagsins Aer Lingus, sem er á margan hátt sambærilegt flugfélag við Icelandair. Í flugi Íranna, til og frá San Francisco, var sætanýtingin á fyrsta fjórðungi líka um sjötíu prósent á meðan hún var 75 prósent í öllu Bandaríkjaflugi félagsins.

Stjórnendur Aer Lingus sýna Kaliforníufluginu þó meiri þolinmæði en kollegar þeirra hjá Icelandair sem skrifast þá sennilega á betri afkomu. Þannig gæti kostnaðurinn við útgerð Aer Lingus verið nokkru lægri en hjá Icelandair því félagið nýtir tveggja ára gamlar Airbus breiðþotur í flugið til San Francisco sem eru mun sparneyttari en hinar 19 ára gömlu Boeing 767 þotur Icelandair. Og meðan Aer Lingus flýgur til Kaliforníu daglega þá fara þotur Icelandair þangað annan hvern dag og þurfa því að bíða úti á milli ferða og nýtist ekkert í millitíðinni. Einnig gætu hvíldarákvæði áhafna Icelandair verið strangari sem hefur líka neikvæð áhrif.

Íslenska flugfélagið þarf þá hærri meðalfargjöld en í ljósi harðrar samkeppni við WOW á flugleiðinni í fyrra þá gæti farmiðaverðið verið of lágt. Og reyndar eru vísbendingar um að það hafi heldur ekki verið nógu hátt fyrir WOW air því félagið lagði niður flugið til borgarinnar í lok síðasta árs og einbeitti sér af Los Angeles í staðinn. Sætanýtingin hjá WOW air á fyrsta fjórðungi síðasta árs var þó miklu hærri en hjá Icelandair eða um 83 prósent. .

En þó farþegaflug Icelandair hafi ekki skilað nægjanlega miklu þá er ljóst að félagið var umsvifamikið í fraktflutningum til San Francisco. Á fyrsta fjórðungi flutti félagið 324 tonn til og frá borginni sem jafngildir um tíund af öllum fraktflutningum félagsins til Bandaríkjanna á tímabilinu. Til samanburðar þá stóð farþegaflugið til San Francisco undir um 7 prósentum af heildarsætaframboði félagsins til og frá bandarískum áfangastöðum á þessum tímabili.

Nú getur þú tekið þátt í að styrkja og efla útgáfu Túrista

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …