Samfélagsmiðlar

Setja Íslandsflug aftur á dagskrá

Þýska lággjaldaflugfélagið Eurowings hefur tekið á leigu flugvél, ásamt áhöfn, til að sinna á áætlunarflugi til Íslands í sumar.

hamborg elbphilharmonie thies raetzke 0009

Hið nýja tónlistarhús Fílharmoníusveitar Hamborgar. Í sumar verður hægt að fljúga til borgarinnar með Icelandair og Eurowings.

Um langt árabil hefur Eurowings haldið úti áætlunarferðum til Íslands yfir sumarmánuðina. Þegar mest lét flugu þotur félagsins hingað frá fimm þýskum borgum en í fyrra aðeins frá tveimur, Hamborg og Köln. Útlit var fyrir að engar Íslandsferðir yrðu á dagskrá Eurowings næsta sumar líkt og Túristi greindi frá í þar síðustu viku. Þá sagði blaðafulltrúi félagsins aðfélagið væri ekki með neitt flug til Íslands á boðstólum.

Núna er aftur á móti hægt að bóka flug hingað með Eurowings frá Hamborg í sumar og tekið er fram í bókunarvél á heimasíðu félagsins að flogið verði með þotu TUI ferðaskrifstofunnar til Íslands. Blaðafulltrúi Eurowings staðfestir að þessi breyting hafi verið gerð og segir að þotan hafi verið leigð með áhöfn. Ekki fást upplýsingar um ástæður þessara breytinga en samkvæmt heimildum Túrista þá lögðu þýskar ferðaskrifstofur pressu á flugfélagið að taka upp þráðinn í Íslandsfluginu í vor. Og eins og staðan er í dag þá verður það gert í ferðum milli Íslands og Hamborgar en ekki frá Köln. Verðlagningin á fluginu hingað frá Hamborg vekur hins vegar athygli því ódýrustu farmiðarnir, báðar leiðir, kosta í dag 90 þúsund krónur.

Auk Eurowings þá flýgur Icelandair til Hamborgar og síðastliðið sumar fluttu félögin samtals rétt rúmlega 33 þúsund farþega milli Hamborgar og Íslands. Það er samdráttur um 9níuprósent frá sumrinu 2018 samkvæmt tölum frá þýskum flugmálayfirvöldum.

Nú getur þú tekið þátt í að styrkja og efla útgáfu Túrista

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …