Samfélagsmiðlar

Icelandair hefur flug til Barcelona á ný

Þotur Icelandair munu taka stefnuna tvær fjölmennustu borgir Spánar frá og með vorinu.

Næsta sumar munu þotur Icelandair líka fljúga yfir Barcelona.

Yfir aðal ferðamannatímabilið hefur Icelandair vanalega haldið úti áætlunarflugi til Barcelona en þó ekki síðastliðið sumar. Nú stendur aftur á móti til að taka upp þráðinn þar í borg á ný og mun farþegum félagsins standa til boða tvær ferðir í viku til höfuðborgar Katalóníu frá maí og fram í september. Þetta kom fram á fundi með starfsmönnum félagsins í dag.

Áður hafði Icelandair tilkynnt að einn evrópskur áfangastaður myndi bætast við leiðakerfi þess á næsta ári. Heiti borgarinnar var þá ekki gefið upp en nú liggur fyrir að borgin sem um ræðir er Barcelona, ein allra vinsælasta ferðamannaborg Evrópu.

Með endurkomu Icelandair í Barcelona þá fjölgar þeim valkostum sem farþegar á leið milli Keflavíkurflugvallar og El Prat flugvallarins hafa. Norwegian sinnir nefnilega þessari flugleið allt árið um kring og spænska lággjaldaflugfélagið Vueling flýgur héðan frá heimaborg sinni frá vori og fram á haust.

Auk áætlunarflugs til Barcelona þá býður Icelandair einnig upp á reglulegar ferðir til Madrídar, höfuðborgar Spánar, yfir sumarið.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …