Samfélagsmiðlar

SAS áfram í fluggír

Verkföll, veikir gjaldmiðlar og hækkandi rekstrarkostnaður skýra að mestu minni hagnað af rekstri SAS á nýloknu rekstrarári. Framhaldið er þó áfram bjart.

Rickard Gustafson, forstjóri SAS.

Ársuppgjör skandinavíska flugfélagsins SAS var birt nú í morgun en reikningsár félagsins hefst í byrjun nóvember og líkur í enda október. Félagið var rekið með myndarlegum hagnaði á því síðasta en núna var búist við nokkru minni afgangi og þá aðallega vegna þess hve vikulangt verkfall flugmanna félagsins reyndist dýrt.

Nú liggur aftur á móti fyrir að hagnaður á nýloknu rekstrarári nam rétt tæpum 800 milljónum sænskra króna sem jafngildir um 10 milljörðum íslenskra króna. Í fyrra var hagnaðurinn rúmlega tvöfalt hærri eða um 2 milljarðar sænskra króna. Forstjóri SAS gerir ráð fyrir því að hagnaður á næsta ári verði nokkru hærri en í ár. Í ljósi þess hve illa gekk hjá SAS fyrir ekki svo mörgum árum síðan má segja að umbreytingin sé veruleg þó hagnaðartölurnar séu ennþá ekki ýkja háar.

Norrænir greinendur eru sammála um að batnandi hagur SAS skýrist að miklu leyti að þeirri vörn sem Norwegian er í enda eru þessi tvö félög í mikilli samkeppni í flugi til og frá Skandinavíu. Hjá Norwegian hefur niðurskurðarhnífurinn nefnilega verið á lofti síðustu misseri og félagið skorið niður fjölda flugleiða. Þar með minnkar sætaframboðið og fargjöldin hækka.

Til marks um það þá hækkaði meðalfargjaldið hjá Norwegian um 12 prósent í nóvember en aftur á móti fækkaði farþegunum um 21 prósent.

Af SAS er það annars að frétta að félagið er að taka á móti fleiri nýjum flugvélum frá Airbus, bæði þotur sem nýtast í flug innan Evrópu en einnig til Ameríku og Asíu.

Nú getur þú tekið þátt í að styrkja og efla útgáfu Túrista

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …