Samfélagsmiðlar

Stóraukin sókn í skíðferðir til Sviss

Það styttist í fyrstu brottfarirnar á skíðastaðina á meginlandi Evrópu og í Norður-Ameríku.

Frá Andermatt í Sviss.

„Salan er mjög góð í ár. Helstu breytingarnar á milli ára er stóraukin sala til Sviss. Það breytti öllu að Icelandair hóf beint flug til Zürich yfir vetrartímann. Við höfum lagt mikla vinnu í að byggja upp vöruframboð okkar í Sviss og erum við að bjóða upp á tvö frábær skíðasvæði, Andermatt og Engelberg. Þau eru ekki nema í 90 mínútna akstursfjarlægð frá Zürich,“ segir Jóhann Pétur Guðjónsson, hjá GB-ferðum, aðspurður um eftirspurn eftir skíðaferðum í vetur.

GB-ferðir hafa líka lengi haft á boðstólum skíðaferðir til Austurríkis en einnig til Bandríkjanna og Kanada. Hann segist þó finna fyrir miklu meiri áhuga á skíðferðum til Evrópu núna í samanburði við síðustu tvö ár. „Ég tel að sú þróun muni halda áfram. Við erum mjög bjartsýn á framtíðina og það er ekkert lát á ferðagleði Íslendinga.“

Þórunn Reynisdóttir, forstjóri Úrval-Útsýn, segir söluna þar á bæ ganga ágætlega og ekki sé sjáanlegur neinn munur á sölunni fyrir komandi skíðavertíð í samanburði við þá síðustu. Hún bendir jafnframt á að enn eru á boðstólum sæti til Madonna á Ítalíu í janúar á sérkjörum.

Auk GB-ferða og Úrval-Útsýnar þá er ferðaskrifstofan Vita stórtæk í sölu á skíðaferðum til Ítalíu og Austurríkis. Þeir sem vilja halda á ótroðnari slóðir geta kíkt á pakkaferðir Tripical til Andorra.

Nýtt efni

Fyrsta skemmtiferðaskip ársins kom til Ísafjarðar um síðustu helgi, þýska AIDAsol með nærri í 2.200 farþega. Á sunnudag koma tvö skip með væntanlega 3.000 - 4.000 farþega. Það er farþegafjöldi undir öllum viðvörunarmörkum sem Ísafjarðarbær ætlar að fylgja í framtíðinni vegna komu skemmtiferðaskipa. Nýsamþykktar fjöldatakmarkanir gilda raunar ekki á þessu ári þar sem bókanir hafa …

Í marsmánuði fór fjöldi erlendra ferðamanna í Japan í fyrsta skipti yfir 3 milljónir, samkvæmt tölum sem birtar voru í síðustu viku. Um 2,7 milljónir komu í febrúar. Auðvitað nýtur japönsk ferðaþjónusta nú uppsafnaðrar löngunar erlendra ferðamanna á að heimsækja loks Japan eftir langvarandi lokun og ferðahindranir í tengslum við Covid-19 en það er ekki …

Jón Atli Benediktsson rektor Háskóla Íslands var heiðraður á ársfundi Meet in Reykjavik í gær. Hann leiddi til sigurs umsókn Íslands um að fá ráðstefnuna „International Geoscience and Remote Sensing Symposium (IGARSS)“ til Reykjavíkur í júlí 2027. Gert er ráð fyrir að 2.500 erlendir vísindamenn og fagfólk á sviði fjarkönnunar frá öllum heimshornum sæki ráðstefnuna …

United Airlines tilkynntu í gær um betri afkomu en vænst var á öðrum ársfjórðungi. Þetta kemur í framhaldi af því að tapið á fyrsta fjórðungi var minna en óttast hafði verið. Megin ástæða þess að vel gengur er einfaldlega mikill áhugi á ferðalögum. Hlutabréf í United hækkuðu strax í fyrstu viðskiptum eftir að tilkynnt var …

Japanskir bílaframleiðandur hafa dregist aftur úr nýrri fyrirtækjum á borð við bandaríska Tesla og kínverska BYD í þróun rafbílasmíði. En menn velta því fyrir sér hvort japanskir framleiðendur á borð við Toyota og Nissan verði ekki fljótir að vinna upp það forskot - og jafnvel ná forystu - með þróun nýrrar gerðar rafhlaðna, sem vonir …

„Viltu nýjan bíl? Ef svarið er já, þá þurfum við að finna pening til að kaupa bílinn. Við getum aflað hans með sjávarútvegi en sú grein er takmörkuð og margir vilja setja skorður á fiskeldi. Til að auka framleiðslu á málmum þarf meiri raforku. Þá er það ferðaþjónustan sem er eftir og því þarf að …

Yfir veturinn eru Bretar fjölmennastir í hópi ferðamanna hér á landi en fyrstu þrjá mánuði þessa árs innrituðu 109 þúsund breskir farþegar sig í flug frá Keflavíkurflugvelli. Fjöldinn stóð í stað frá sama tíma í fyrra en hins vegar fjölgaði brottförum útlendinga um tíund þessa þrjá mánuði. Efnahagsástandið í Bretlandi kann að skýra að það …

Því var fagnað í gær að undirrituð hefði verið viljayfirlýsingu um að Íslandshótel og fjárfestar tengdir Skógarböðunum ætluðu að byggja og reka fjögurra stjörnu hótel við Skógarböðin í Eyjafirði gegnt Akureyri. Á væntanlegu baðhóteli verða 120 herbergi. Sjallinn - MYND: Facebook-síða Sjallans Íslandshótel hafa líka haft áform um að reisa hótel í miðbæ Akureyrar, þar …