Samfélagsmiðlar

Nýttu ekki niðursveifluna til að auka hlut sinn í Icelandair

Hlutur PAR Capital, stærsta eigenda Icelandair, er ennþá óbreyttur þrátt fyrir að gengi bréfa félagsins hafi lækkað verulega frá því að bandaríski vogunarsjóðurinn hóf að fjárfesta í flugfélaginu. Eignarhluturinn í íslenska flugfélaginu er ekki eina fjárfesting sjóðsins sem misst hefur verðgildi sitt að undanförnu.

Ein af MAX þotum Icelandair í Berlín.

Fyrir rúmu ári síðan samþykktu hluthafar Icelandair Group að að auka hlutafé félagsins. Í byrjun apríl í ár, um hálfum mánuði eftir kyrrsetningu Boeing MAX þotanna, var tilkynnt að kaupandinn að þessu nýja hlutafé væri bandaríski fjárfestingarsjóðurinn PAR Capital Management. Sjóðurinn var þar með kominn með 11,5 prósent hlut í Icelandair samsteypunni.

Kaupverðið nam um 5,6 milljörðum króna og kaupgengið var 9,03. Í maí bætti PAR Capital við fleiri hlutum og aftur í júní og júlí en á því tímabili var gengi hlutabréfa í Icelandair Group á bilinu 9 til 11. Ekki liggur fyrir hvað PAR Capital borgaði fyrir þessi viðbótarhluti en í sumarlok var vægi fyrirtækisins í hluthafahópi Icelandair komið upp í 13,71 prósent. Sjóðurinn er þar með stærsti hluthafinn í Icelandair en Lífeyrissjóður verslunarmanna kemur þar á eftir með 12 prósent hlut.

Nú í haust tók gengi hlutabréfa í Icelandair mikla dýfu og fór niður í allt að 5,5 krónur á hlut. Það er um fjörutíu prósent undir því gengi sem PAR Capital keypti meginþorra bréfa sinna á í vor. Engu að síður er eignarhlutur bandaríska sjóðsins óbreyttur samkvæmt nýjasta hluthafalista Icelandair. Það hefði heldur ekki fara leynt ef bandaríski vogunarsjóðurinn myndi styrkja stöðu sína í Icelandair Group umtalsvert. Reglur kauphallarinnar kveða nefnilega á um að tilkynna þurfi ef einstakur hluthafi fer yfir fimmtán prósenta múrinn.

Ástæðurnar fyrir því að PAR Capital hefur haldið að sér höndum kunna að vera margvíslegar. Langvarandi óvissa varðandi MAX þoturnar kann að fæla frá og eins gæti það ekki samræmst stefnu bandarísku fjárfestanna að vera langstærsti eigandinn í skráðu fyrirtæki. Og kannski sérstaklega ekki í fyrirtæki sem er kerfislega mikilvægt í fámennu evrópsku landi jafnvel þó að þessi Icelandair sé ekki ný af nálinni.

Það verðut heldur ekki fram hjá því horft að eignarhluturinn í Icelandair Group er ekki eina fjárfesting PAR Capital sem misst hefur verðgildi sitt að undanförnu. Sjóðurinn sérhæfir sig nefnilega í fjárfestingum í bandarískum flugfélögum og eins ferðabókunarfyrirtækjum eins og Expedia, Tripadvisor og Booking. Og í nýlegri úttekt pistlahöfundar á vef Yahoo Finance kemur fram að skráð verðmæti hlutabréfasafns þessa stærsta eigenda Icelandair hafi á yfirstandandi ársfjórðungi þróast með neikvæðari hætti en bandaríski markaðurinn almennt.

Mesta höggið er sennilega fall á bréfum í ferðabókunarfyrirtækinu Expedia sem féll um rúman fjórðung í byrjun nóvember en þar er PAR Capital einn af stærstu eigendunum. PAR Capital er heldur ekki stór sjóður á bandarískan mælikvarða. Samkvæmt úttekt á vef Yahoo Finance kemst PAR Capital til að mynda aðeins í sæti númer 330 á lista stærstu vogunarsjóðina þar í landi. Bolmagn stærsta eigenda Icelandair til að ráðast í fjárfestingar um þessar mundir er því kannski ekki mikið í ljósi stærðar sjóðsins og þeirra  áskorana sem nú blasa við þeim sem eru með eiginlega allt sitt í fjárfestingum í flugfélögum og ferðabókunarsíðum.

Fyrrnefnd smæð PAR Capital er svo helsta skýringin á því að það eru litlar upplýsingar um fyrirtækið að finna. Heimasíða fyrirtækisins bætir engu við og aldrei hefur starfsfólk þess svarað fyrirspurnum frá Túrista.

Stjórnendur sjóðsins komust þó í fréttir fyrir nærri fjórum árum síðan þegar þeir, ásamt einum öðrum vogunarsjóð, gerðu tilraun til að gera umbylta á stjórn United Airlines fyrir aðalfund flugfélagsins árið 2016. Þessi valdabarátta varð kveikjan að mótmælum flugmanna United fyrir utan skrifstofu PAR Capital í Boston. Þessi uppreisn vogunarsjóðanna skilaði þó ekki tilætluðum árangri en PAR Capital fékk engu að síður einn mann í þrettán manna stjórn United Airlines en sá er reyndar einn af stofnendum PAR Capital sjóðsins eins og Túristi hefur áður fjallað um.

Hvort PAR Capital sækist eftir einu af þeim fimm sætum sem verða í boði í næsta stjórnarkjöri Icelandair kemur í ljós fyrir næsta aðalfund sem væntanlega fer fram í byrjun mars. Þá verður eitt ár liðið frá kyrrsetningu MAX þotanna en nú berast þær fréttir að stjórnendur Boeing íhugi jafnvel að hætta framleiðslu þotanna. Gengi bréfa í Icelandair lækkaði um nærri sjö af hundraði á föstudag og hefur lækkað hratt nú í morgunsárið.

Nú getur þú tekið þátt í að styrkja og efla útgáfu Túrista

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …