Samfélagsmiðlar

Vægi kínverskra ferðamanna hátt í ársbyrjun

Um sex af hverjum eitt hundrað ferðamönnum sem hingað koma í febrúar ár hvert eru frá Kína. Nú er útlit fyrir að mun færri Kínverjar verði á faraldsfæti næstu vikur.

Í kringum kínversku áramótin er fjöldi kínverskra ferðamanna hér á landi umtalsverður.

Ef horft er til ferðamannastraumsins til Íslands frá Kína síðustu þrjú ár þá er vægi kínverskra ferðamanna hæst hér á landi í desember. Þann mánuð er um tíundi hver túristi hér á landi með kínverskt vegabréf samkvæmt talningum Ferðamálastofu.

Næst hæst er vægi Kínverja í febrúar eða um sex prósent þegar miðað er við meðaltal síðustu þriggja ára. Það hlutfall gæti lækkað í ár vegna ferðabannsins sem nú ríkir í Kína til að hefta útbreiðslu kórónaveirunnar. Nú í morgun lagði British Airways til að mynda niður allt flug til Kína í morgun og ekki er gert ráð fyrir að taka upp þráðinn fyrr en í lok næsta mánaðar samkvæmt frétt Reuters. Breska flugfélagið flýgur hingað til lands daglega frá Heathrow í London og fram hefur komið í samtölum Túrista við forsvarsfólk British Airways að Íslandsflugið hafi verið vinsælt hjá farþegaum félagsins í Asíu og sérstaklega Kína.

Megin skýringin á því að Kínverjar eru svona fjölmennir hér í ársbyrjun er sú að áramót samkvæmt kínversku tímatali eru annað hvort í enda janúar eða byrjun febrúar og vinsælt er að verja dögunum í kringum hátíðina í útlöndum. Að þessu sinni voru kínversku áramótin um nýliðna helgi og ferðabannið hafði því ekki áhrif á þá sem þegar voru lagðir af stað til útlanda. Þar með verður niðursveiflan í fjölda kínverskra ferðamanna mögulega minni.

Þegar aðeins er horft til fjölda kínverskra ferðamanna á Íslandi þá er meðaltalið hæst í desember og einnig yfir hásumarið eins og sjá má á töflunni hér fyrir neðan. Í febrúar hefur meðalfjöldinn verið um níu þúsund en til samanburðar koma hingað að jafnaði um 46 þúsund Bretar en þeir eru langfjölmennastir í þessum mánuði.

Nýtt efni

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …