Samfélagsmiðlar

Voru tilbúin með sumaráætlun án MAX þota

Í gærkvöld gaf Boeing flugvélaframleiðandinn það út að aflétting á kyrrsetningu MAX þotanna yrði í fyrsta lagi aflétt í sumar. Í kjölfar sendi Icelandair frá sér tilkynningu þar sem segir að áhrifn af þessu verði óveruleg.

Aðra sumarvertíðina í röð verður Icelandair án MAX þotanna. Ástæðan er sú að nú gera stjórnendur Boeing fyrst ráð fyrir að breytingar á þotunum fái samþykki flugmálayfirvalda um mitt sumar. Áætlanir Icelandair gerðu aftur á móti ráð fyrir þotunum í maí, áður en háannatíminn í fluginu fer í gang.

Þrátt fyrir það þá mun áframhaldandi kyrrsetning MAX þotanna hafa óveruleg áhrif á flugáætlun Icelandair. Þetta kom fram í tilkynningu sem félagið sendi frá sér í gærkvöld.

„Vegna ráðstafana sem félagið hefur þegar gripið til verða áhrif á útgefna flugáætlun félagsins óveruleg. Ástæður þess eru að hún var sett upp með það að leiðarljósi að takmarka áhrif frekari tafa á afléttingu kyrrsetningarinnar. Búið er að leigja inn þrjár Boeing 737-800 vélar og ákveðnum fjölda Boeing 757 véla verður haldið lengur í flota félagsins en áður hafði verið gert ráð fyrir,“ segir í tilkynningu.

Forsvarsfólk Icelandair hefur því verið undir það búið að flugbann MAX þotann yrði framlengt. Og ekki virðist sem félagið þurfi að leiga fleiri flugvélar eða fækka ferðum til að fylla skarð MAX þotanna líkt og leiddar voru líkur að hér.

„Áhersla Icelandair á þessu ári verður líkt og á síðasta ári á ferðamannamarkaðinn til Íslands. Félagið gerir ráð fyrir að flytja að lágmarki jafnmarga farþega til Íslands á árinu 2020 og árið 2019,“ segir í jafnframt tilkynningu.

Þar kemur einnig fram að Icelandair telji ljóst að fjárhagsleg áhrif áframhaldandi kyrrsetningar verða mun minni á árinu 2020 en þau voru árið 2019 en viðræður um frekari skaðabætur frá Boeing standa yfir og stefnir Icelandair Group að því að fá allt tjón vegna MAX kyrrsetningarinnar bætt.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …