Samfélagsmiðlar

Ætla ekki að nýta lendingarleyfi á Keflavíkurflugvelli

Stjórnendur kanadíska lággjaldaflugfélagsins WestJet fengu umbeðna afgreiðslutíma á Keflavíkurflugvelli í sumar. Það er þó ekki von á þotum félagsins hingað til lands.

Boeing MAX þota merkt WestJet.

Flugsamgöngur milli Íslands og Toronto, fjölmennustu borgar Kanada, hafa verið tíðar síðustu ár. Icelandair hefur sinnt flugleiðinni allt árið um kring og það gerði WOW air líka. Á sumrin bætist svo við áætlunarflug Air Canada og forsvarsfólk kanadíska lággjaldaflugfélagsins WestJet horfir líka til Íslands. Þannig fékk félagið úthlutaða afgreiðslutíma á Keflavíkurflugvelli í sumar samkvæmt þeirri áætlun sem finna má á heimaíðu flugvallarins. Um var að ræða fjórar ferðir í viku hingað frá Toronto yfir hásumarið.

Ekkert verður þó af þessu Íslandsflugi WestJet, það staðfestir upplýsingafulltrúi félagsins í svari til Túrista. „WestJet, eins og mörg önnur flugfélög, sækir um afgreiðslutíma víða um heim til að öðlast skilning á því hvar lendingarleyfi eru á lausu en líka til að halda möguleikum opnum. Skiljanlega höfum við ekkert um það að segja hvaða afgreiðslutímar standa okkur svo til boða og hvort þeir henti starfseminni eða ekki. Sumardagskrá okkar var nýverið kynnt og við höfum ekki uppi nein áform um að fljúga til Íslands í ár.“

Það er því ljóst að Icelandair og Air Canada verða annað sumarið í röð ein um flugið héðan til Kanada. En líkt og Túristi hefur áður greint frá þá þurfti kanadíska flugfélagið að skera niður sætaframboð í Íslandsflugi sínum vegna kyrrsetningar MAX þotanna. Félagið nýtti þess háttar flugvélar í ferðirnar hingað sumarið 2018 en varð að nota Airbus 319 í stað þeirra síðastliðið sumar. Þær flugvélar taka nokkru færri farþega en MAX þoturnar.

Þess má geta að afgreiðslutímar WestJet á Keflavíkurflugvelli voru fráteknir fyrir Boeing MAX 9 þotur. Áframhaldandi kyrrsetning þeirra flugvéla gæti því hafa haft eitthvað með það að gera að ekkert varð af Íslandsflugi kanadíska flugfélagsins að þessu sinni.

Nýtt efni
Arnar Guðmundsson, Íslandsstofu

Íslandsstofa vinnur að því að markaðssetja Ísland sem ferðamannaland, kemur íslenskum fyrirtækjum á framfæri á erlendri grundu og liðkar til eftir bestu getu fyrir erlendri fjárfestingu á fimm sviðum atvinnulífs: orku og grænum lausnum, sjávarútvegi og matvælaframleiðslu, hugviti og tækni, listum og skapandi greinum - og loks ferðaþjónustu. Allt byggist þetta á útflutningsstefnu landsins, sem …

Það voru 27.293 starfandi í einkennandi greinum ferðaþjónustu hér á landi í mars 2024 sem er aukning um 2 prósent frá sama tíma í fyrra en 2 prósent færri í samanburði við mars 2018. Það ár voru ferðamenn hér flestir en gert er ráð fyrir álíka ferðamannastraumi í ár. Vægi starfsfólks með íslenskan bakgrunn er …

Þýski bílaframleiðandinn Volkswagen hefur slitið viðræðum við franska Renault um að þróa og smíða saman nýja gerð af rafknúnum smábíl á viðráðanlegu verði, sem keppt gæti við ódýrustu kínversku bílana. Hugmyndin var sú að bíllinn yrðu byggður á grunni Twingo-smábílsins frá Renault. Renault hyggst nú upp á eigin spýtur þróa Twingo áfram sem rafbíl og …

„Pittsburgh flugið fer vel af stað og er ánægjulegt að sjá að farþegar frá 25 Evrópulöndum hafa bókað flug með okkur til Pittsburgh um Ísland og þaðan hafa farþegar bókað flug til 30 áfangastaða Evrópumegin," sagði Bogi Nils Bogason, forstjóri Icelandair, í tilefni af fyrstu áætlunarferð flugfélagsins til bandarísku borgarinnar á fimmtudaginn. Forstjórinn lagði um …

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …