Samfélagsmiðlar

Hótar hallarbyltingu hjá easyJet

Stofnandi easyJet og stærsti hluthafi þess hefur lengi verið ósáttur við tryggð núverandi stjórnenda við Airbus. Hann fer fram á að samningi um kaup á flugvélum verði rift þar sem hann sé of íþyngjandi í núverandi stöðu.

Breska lággjaldaflugfélagið easyJet hefur lengi verið umsvifamesta erlenda félagið á Keflavíkurflugvelli yfir vetrarmánuðina. Og óhætt er að fullyrða að tíðar ferðir félagsins hingað hafi verið mikilvægur hluti af því að gera íslenska ferðaþjónustu að heilsárs atvinnugrein. Bretar eru nefnilega fjölmennastir í hópi ferðamanna hér utan háannatíma og til marks um ásókn þeirra í vetrarferðir til Íslands þá koma hingað fleiri breskir túristar í febrúar en samanlagt yfir sumarmánuðina þrjá.

Það skiptir því gríðarlegu máli fyrir ferðaþjónustuna hér á landi að easyJet komist í gegnum krísuna sem útbreiðsla kórónaveirunnar hefur valdið. Staða félagsins er þó það veik að forstjóri þess hefur gefið til kynna að fjárhags aðstoð frá breskum stjórnvöldum kunni að vera nauðsynleg. Breski fjármálaráðherrann hefur aftur á móti tekið það skýrt fram að það sé verk hluthafa og lánadrottna að tryggja framtíð fyrirtækja þar í landi. Aðkoma ríkisins verði ávallt síðasti kosturinn í stöðunni.

Sir Stelios Haji-Ioannou, stofnandi easyJet og eigandi þriðjungs hlutar í félaginu, hefur sagt að hann muni leggja félaginu til meira fé ef þess verður þörf. Þeirri innspýtingu fylgja þó þungar kröfur því í bréfi sem stofnandinn sendi stjórnarformanni félagsins í gær fer hann fram á að allar greiðslur til Airbus, vegna kaupa á 107 flugvélum, verði stöðvaðar. Um leið vill hann að flugvélaframleiðandanum verði stefnt í þeim tilgangi að rifta kaupsamningnum.

Vill Sir Stelios, eins og hann er jafnan kallaður, meina að samningurinn sé of íþyngjandi og ógni framtíð flugfélagsins samkvæmt frétt Sky News. Og honum er full alvara því hann gefur stjórn félagsins aðeins frest fram á miðvikudag til að verða við kröfu sinni. Ef ekkert gerist þá ætlar hann að fara fram á sérstaka auka aðalfundi í félaginu næstu misseri í þeim tilgangi að láta reka núverandi stjórnarmenn einn af öðrum.

Sem fyrr segir þá hafa bresk yfirvöld ekki boðað séraðgerðir til stuðnings við fluggeirann þar í landi, hvorki flugfélög né flugvelli landsins sem langflestir eru í einkaeigu. Forráðamenn Virgin Atlantic flugfélagsins munu engu að síður vera að undirbúa beiðni til stjórnvalda um stuðning samkvæmt frétt BBC. Þar er tekið fram að félög eins og easyJet geti fylgt í kjörfarið. Staða British Airways, stærsta flugfélags landsins, er þó aðeins flóknari því það félag tilheyrir móðurfélaginu IAG sem er skráð á Spáni.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …