Samfélagsmiðlar

Norðurlöndin sameinist um rekstur flugfélaga

Það er tilgangslaust fyrir norræn stjórnvöld að setja fé í flugfélög sem eru nú þegar á fallandi fæti. Í staðinn ætti að styrkja rekstur norrænu flugfélaganna með því að setja þau undir eitt móðurfélag.

Keflavíkurflugvöllur gæti orðið miðstöð fyrir Ameríkuflug norrænar flugvélasamsteypu að mati fyrrum framkvæmdastjóra SAS.

Stærstu fyrirtækin í evrópskum flugrekstri eru þrjár ólíkar samsteypur. Sú stærsta er Lufthansa Group sem rekur samnefnt flugfélag í Þýskalandi auk stærstu flugfélögin í Sviss, Austurríki og Belgíu. Innan IAG er British Airways, hið írska Aer Lingus og svo Iberia og Vueling á Spáni. Þriðja risafyrirtækið er AirFrance/KLM sem á þessi tvö stærstu flugfélög Frakklands og Hollands auk lággjaldaflugfélagið Transavia. Til þessara þriggja samsteypa ættu ráðamenn á Norðurlöndunum að horfa núna þegar þeir standa frammi fyrir því að setja tugi og jafnvel hundruði milljarða króna í flugfélög landanna.

Þetta er mat Norðmannsins Eivind Roald, fyrrum framkvæmdastjóra hjá SAS, sem fer yfir þessa hugmynd sína í pistli í norska viðskiptablaðinu Dagens Næringsliv í dag. Tillaga Roald gengur í raun út á það að danska og sænska ríkið setji sína eignarhluti í SAS inn í nýtt móðurfélag og finnska ríkið leggi meirihlutaeign sína í Finnair þar inn líka. Norska ríkið skali Norwegian niður því enginn hafi, að mati Roald, áhuga á að taka yfir skuldasúpuna sem það félag situr í. Norwegian yrði svo í framhaldinu gert að lággjaldaflugfélagi sem myndi eingöngu sinna flugi innan Evrópu.

Hlutverk Icelandair í þessu nýja félagi er umtalsvert. Burtséð frá eignarhaldi á íslenska félaginu í dag þá leggur Roald til að Icelandair verði hluti af samsteypunni og haldi áfram ferðum til Norður-Ameríku. Hin félögin, þ.e. Finnair og SAS, hafi þá valkost um að fljúga sínum farþegum vestur um haf sjálf eða nýta sér tengingarnar frá Íslandi.

Tillaga Roald er sú að norræn stjórnvöld færu með 51 prósent í nýja móðurfélaginu og einkafjárfestar með afganginn. Hugmyndasmiðurinn tekur fram að auðvitað vakni hundruðir spurninga við svona fyrirkomulag og það yrði flókið að koma þessu á. Engu að síður væri betra að ráðast í það verkefni en að skjóta stoðum undir flugfélögin fjögur eins og staðan er í dag.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …