Samfélagsmiðlar

Norwegian fellir niður 85 prósent flugferða

Stjórnendur norska flugfélagsins ætla að taka út stærstan hluta af flugferðum félagsins næstu vikur. Á sama tíma fjölgar þeim starfsmönnum sem sendir verða heim vegna minnkandi umsvifa.

Útbreiðsla kórónaveirunnar hefur haft sérstaklega mikil áhrif á flugfélög enda ekki auðvelt að ferðast á milli landa þessa dagana. Og rétt í þessu bættist Norwegian í hóp þeirra evrópsku flugfélaga sem sker niður bróðurpart flugáætlunnar sinnar nú lok vetrar.

Samtals verður 85 prósent flugferða aflýst og á sama tíma eru störf 7300 starfsmanna félagsins í hættu. Þetta er töluverð viðbót við þær aðgerðir sem tilkynnt var um á fimmtudaginn í síðustu viku. Þá ætlaði Norwegian að fækka ferðunum um 40 prósent og segja upp um fimm þúsund manns, að minnsta kosti tímabundið.

Norwegian er það flugfélag sem flytur flesta farþega á milli Íslands og Spánar. Flugáætlun félagsins næstu vikur gerir ráð fyrir reglulegum ferðum hingað frá Alicante, Tenerife, Las Palmas, Barcelona og Ósló. Ennþá virðist vera hægt að bóka sæti í þessar ferðir en það gæti breyst innan skamms því í tilkynningu frá Norwegian segir að nú verði megin áhersla á flug milli norrænna áfangastaða og innanlandsflug í Noregi. Allt flug til Ameríku stöðvast en áfram verður flogið til Bangkok frá Skandinavíu.

Líkt og Túristi greindi frá fyrr í dag og sjá má hér fyrir neðan þá hefur Icelandair skorið hlutfallslega niður mun minna af brottförum en önnur evrópsk flugfélög.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …