Samfélagsmiðlar

Stærsti hluthafi Icelandair hefur tapað mest allra á fjárfestingum í flugi

Þegar horft er til hlutafjáreignar bandarískra fagfjárfesta í flugfélögum þá hefur enginn tapað eins miklu á verðbréfahruninu og PAR Capital Management.

Hlutabréfaverð hefur fallið hratt síðustu vikur í takt við aukna útbreiðslu kórónaveirunnar. Flugfélög hafa farið sérstaklega illa út úr ástandinu og gengi bréfa í alls konar ferðaþjónustufyrirtækjum hefur sömuleiðis fallið. Fólk heldur sig nefnilega heima þessa dagana.

Í ljósi þessa er ekki að undra að eignir vogunarsjóðsins PAR Capital Management, sem sérhæfir sig í fjárfestingum í flugfélögum og ferðabókunarsíðum, hafi rýrnað mikið að undanförnu. Niðursveiflan er reyndar svo mikil að PAR Capital Management er sá fagfjárfestir vestanhafs sem hefur farið hlutfallslega verst út úr gegnislækkun flugfélaga að undanförnu. Þetta kemur fram í samantekt viðskiptablaðsins Forbes sem birt var fyrir helgi en í dag hefur gengi bréf sjóðsins í stórum bandarískum flugfélögum lækkað ennþá meira.

Meðal annarra eigna PAR Capital er 13,71 prósent hlutur í Icelandair Group sem gerir vogunarsjóðinn að stærsta hluthafanum í stærsta ferðaþjónustufyrirtæki landins. Bróðurpart bréfanna í Icelandair keypti PAR Capital fyrir 5,6 milljarða króna á genginu 9,03 fyrir ári síðan, nánar tiltekið hálfum mánuði eftir að MAX þoturnar voru kyrrsettar um miðjan mars. Gengi bréfa í Icelandair í dag er rúmlega sextíu prósent lægra en það var fyrir ári síðan.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …