Samfélagsmiðlar

Reikna með 30 prósent samdrætti á hótelum og gististöðum

Ríkið afsalar sér 300 króna tekjum af útleigu á hverju gistirými út næsta ári. Útreikningar stjórnarráðsins gera ráð fyrir að sú aðgerð kosti hið opinbera 1,6 milljarð króna.

Eitt af herbergjum Icelandair hótelanna

Ein þeirra þriggja aðgerða sem ríkisstjórnin kynnti um helgina og snýr sérstaklega að ferðaþjónustunni er afnám gistináttaskatts út næsta ár. Í glærukynningu á vef Stjórnarráðsins er þessi aðgerð metin á 1,6 milljarð króna. Það jafngildir 76 milljónum á mánuði frá apríl í ár og til loka 2021.

Til samanburðar hafa fjárlög síðustu þriggja ára miðað við að gistináttaskatturinn skili á bilinu 1,3 til 1,4 milljarði króna á ári eða um 110 milljónum á mánuði. Þar með má segja að sérfræðingar stjórnarráðsins meta það þannig að sala á gistirýmum hér á landi dragist samtals saman um þrjátíu prósent á þessu tuttugu og eins mánaða tímabili.

Miðað við stöðuna í dag þá má ljóst vera að gistináttagjald hefði varla skilað ríkissjóði neinu næstu vikur. Og komandi sumar verður sennilega ekki upp á marga fiska eins og Þórdís Kolbrún Reykfjörð Gylfadóttir, ráðherra ferðamála, komst að orði nú um helgina í viðtali við Morgunblaðið.

Þessa fimm mánuði, apríl til ágúst, eru gistinæturnar vanalega nokkru fleiri en hina sjö mánuði ársins samtals. Það má því segja að gangurinn þurfi að vera góður frá hausti og út næsta ár svo fullyrða megi að framlag ríkisins, með tímabundinni niðurfellingu gistináttagjalds, verði 1,6 milljarður króna.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …