Samfélagsmiðlar

Norwegian komst yfir fyrstu hindrunina

Nú í morgunsárið tilkynnti Norwegian að félagið hefði uppfyllt fyrstu skilyrðin sem norska ríkið setti í tengslum við fjárhagslegan stuðning sinn við flugfélagið.

Því var vel tekið af fjárfestum þegar fjármálastjóri Norwegian gaf það út nú í morgun að tveir norrænir bankar ætluðu að taka þátt í lánveitingu til félagsins upp á 300 milljónir norskra króna. Það jafngildir um 3,8 milljörðum íslenskra króna. Það er norska ríkið sem ábyrgist lánið og er þetta fyrsti hluti af nærri fjörutíu milljarða króna lánaábyrgð sem norska ríkisstjórnin hefur tekið frá fyrir Norwegian. Hlutabréf í Norwegian hækkuðu umtalsvert í fyrstu viðskiptum dagsins í kauphöllinni í Ósló.

Skilyrðin sem stjórnendur, hluthafar og lánveitendur Norwegian þurfa að uppfylla til að fá afganginn af hinu opinbera fé eru aftur á móti ströng. Þannig þarf Norwegian að endursemja um hluta af skuldum og hækka eiginfjárhlutfallið upp í átta prósent en það er innan við fimm prósent í dag. Greinendur hafa almennt verið neikvæðir á að Norwegian takist að uppfylla þessi skilyrði enda er félagið nú þegar skuldum vafið og reksturinn erfiður. Þannig hafa endurteknar bilanir á hreyflum Boeing Dreamliner þota leikið félagið grátt svo ekki sé minnst á kyrrsetningu Boeing MAX þotanna.

Norwegian hefur lengi verið umsvifamikið í Íslandsflugi og sérstaklega nú í vetur þegar félagið bauð upp á reglulegar ferðir héðan til Tenerife, Las Palmas, Alicante, Barcelona, Madríd og Ósló. Ekki liggur fyrir hvort félagið taki upp þráðinn í Kanaríeyjafluginu næsta vetur því ennþá er ekki hægt að bóka ferðir með Norwegian héðan til Tenerife eða Las Palmas. Aftur á móti eru á boðstólum ferðir til Alicante og Barcelona nú í sumar og næsta vetur.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …