Samfélagsmiðlar

Viðræðum um sölu á ferðaskrifstofunum ekki hætt

Ekki tókst að klára söluferli á fimm af þeim sex ferðaskrifstofum sem Arion rekur. Skýringin liggur í óvissunni sem nú ríkir vegna útbreiðslu kórónaveirunnar. Stjórnarformaður fyrirtækjanna segir ótímabært að ræða hvort bankinn þurfi að setja aukið fé í reksturinn.

strond nikos zacharoulis

Síðastliðið sumar tók Arion banki yfir þær sjö ferðaskrifstofur sem áður tilheyrðu Primera Travel samsteypu Andra Más Ingólfssonar. Um er að ræða tvær íslenskar skrifstofur, Terra Nova og Heimsferðir, og svo fimm aðrar á hinum Norðurlöndunum. Í vetur keypti Nordic Visitor þá fyrstnefndu og bundnar voru vonir við að sala á þessum fimm norrænu myndi klárast í síðustu viku líkt og Túristi greindi frá.

Það gekk ekki eftir að sögn Jóns Karls Ólafssonar, stjórnarformanns ferðaskrifstofa Arion banka. Hann segir að engum viðræðum hafi þó verið hætt en aðstæður séu krefjandi. „Staðan sem komin er upp vegna COVID-19 er algjörlega fordæmalaus og menn eru aðeins að reyna að fóta sig varðandi þróun næstu vikna. Ég held að allir ferðaþjónustuaðilar glími við sömu óvissuna eins og staðan er núna.“

Icelandair hefur tilkynnt um niðurfellingu á brottförum næstu tvo mánuði líkt og mörg önnur flugfélög hafa gert. Aðspurður um mögulegan niðurskurð hjá ferðaskrifstofunum þá Jón Karl segir það augljóst að skoða verði framboðsmál allra ferðaþjónustuaðila ef ekki rofar til á næstu vikum. „Bókanir fyrir vorið hafa verið mjög góðar þannig að framleiðsla næstu vikna verður ekki mikið breytt. Óvissan er hins vegar mikil og breytist með hverjum degi. Það er alveg ótímabært að fara að draga upp dekkstu sviðsmyndirnar. Þær myndu væntanlega kalla á stöðu þar sem aðilar á markaði yrðu einfaldlega að vinna saman til að takmarka skaða.“

Sem fyrr segir þá rekur Arion nú sex ferðaskrifstofur og þar á meðal Heimsferðir. Sú ferðaskrifstofa hefur verið sú umsvifamesta hér á landi í sölu sólarlandaferða og fyrir komandi sumar er í gildi samningur við ítalskt flugfélag um reglulegt leiguflug fyrir Heimsferðir frá Keflavíkurflugvelli til Spánar, Grikklands og Ítalíu. En í ljósi núverandi stöðu á markaðnum og mögulegs samdráttar er þá ekki fyrirséð að Arion þurfi að setja meira fé í rekstur Heimsferða ef ástandið batnar ekki á næstu vikum? „Ef ekki rofar til á næstu vikum verður komin ný staða og það er ekki tímabært að ræða hvernig verður hægt að bregðast við,“ segir Jón Karl og ítrekar það óvissuástand sem nú ríkir.

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …