Samfélagsmiðlar

Aftur selur stærsti hluthafinn í Icelandair samsteypunni

Bandaríski vogunarsjóðurinn PAR Captial hefur selt nærri sautján milljón hluti í flugfélaginu síðustu daga.

Gengi hlutabréfa í Icelandair hefur lækkað um tvo þriðju í ár og er nú í sögulegu lágmarki eða í kringum 2,5 krónur á hvern hlut. Gengið var aftur á móti 9,03 þegar PAR Capital, vogunarsjóður frá Boston í Bandaríkjunum, keypti 11,5 prósent hlut í félaginu fyrir tæpa sex milljarða króna fyrir ári síðan.

Síðastliðið sumar bætti sjóðurinn við hlut sinn í flugfélaginu á ennþá hærra gengi og hefur síðan þá átt 13,7 prósent í Icelandair samsteypunni og verið stærsti hluthafinn.

Í þarsíðustu viku losuðu starfsmenn PAR Capital sig aftur á móti við lítinn hlut í þessu stærsta ferðaþjónustufyrirtæki landsins og fór hlutdeildin þá niður í 13,5 prósent. Og aftur hafa Bandaríkjamennirnir selt hlutabréf í Icelandair því núna er hlutur þeirra  kominn niður í 13,2 prósent samkvæmt nýjasta hluthafalista Icelandair. Samtals hafa þeir selt um 17 milljón hluti og virði viðskiptanna þá í kringum fjörutíu milljónir miðað við gengi bréfa í Icelandair síðustu daga.

Stjórnendur Icelandair vinna nú að undirbúningi hlutafjárútboðs til að styrkja félagið vegna þeirra áfalla sem reksturinn hefur orðið fyrir vegna heimsfaraldursins sem nú gengur yfir.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðkiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …

Gistináttagjald upp á 400 krónur (2,7 evrur) verður lagt á í Færeyjum frá og með október á næsta ári. Um leið verða allir þeir sem koma til eyjanna með skemmtiferðaskipum að greiða 1.300 króna gjald (9 evrur). Allar tekjur af þessari nýju gjaldtöku renna í sérstakan náttúruverndarsjóð að því segir í tilkynningu. Sá sjóður verður …

Talning á brottfararfarþegum á Keflavíkurflugvelli gefur vísbendingu um að erlendum ferðamönnum hér á landi hafi fækkað um tvö prósent í nýliðnum maí í samanburði við sama tíma í fyrra. Þróunin var hins vegar mjög ólík á milli þjóðerna. Þannig jókst straumurinn hingað frá Kanada umtalsvert á milli ára á meðan ferðamönnum frá Ísrael og Rússlandi …

Það seldust 1.259 nýir Tesla bílar á Íslandi árið 2022 og í fyrra voru þeir nærri þrefalt fleiri eða 3.471. Veltan jókst ekki í takt við söluna því tekjur bandaríska rafbílaframleiðands af hverjum nýjum bíl hér á landi drógust saman um 17 prósent samkvæmt útrekningum FF7 sem byggja á ársreikningi Tesla Motors Iceland ehf. Þetta …

Það voru 155 þúsund útlendingar sem innrituðu sig í flug frá Keflavíkurflugvelli í maí en þessi talning er notuð til að meta ferðamannastrauminn hingað til lands. Í maí í fyrra voru erlendu brottfararfarþegarnir 158 þúsund og 165 þúsund í maí 2018 þegar þeir voru flestir. Það vantaði því sex prósent fleiri farþega til að jafna …