Samfélagsmiðlar

Bóka hótelgistingu í heimalandinu

Það er örlítið ljós í myrkrinu að nú bóka Norðmenn sjálfir fleiri hótelgistingar þar í landi. Ákall ráðamanna og verðlækkanir vega þar þungt.

Það eru vafalítið einhverjir Norðmenn að velta fyrir sér ferð til Bergen. Þetta verk Ragnar Kjartanssonar er það fyrsta sem blasir við fólki þegar gengið eru út úr flugstöð borgarinnar.

Nú um páskana setti umsvifamesta hótelkeðja Noregs, Nordic Choice hotels, í loftið sína árlegu sumarherferð. Að þessu sinni er verðið á gistingunni hagstæðara en oft áður því þeir sem ganga núna frá bókun fyrir sumarið fá þrjátíu prósent afslátt. Ástæðan fyrir þessum kostakjörum er auðvitað sú krísa sem nú ríkir í ferðaþjónustu vegna útbreiðslu Covid-19 kórónaveirunnar.

Og það er skemmst frá því að segja að tilboðið hefur fallið í kramið því fyrstu daga herferðarinnar hafa sex þúsund hótelherbergi verið bókuð samkvæmt frétt Dagens Næringsliv. Það eru um þriðjungi fleiri pantanir en bárust á sama tíma í fyrra. Framkvæmdastjóri Nordic Choice telur þetta til marks um að fleiri Norðmenn ætli sér að ferðast innanlands í sumar og það séu jákvæð tíðindi á þessum erfiðu tímum. Hann undirstrikar þó að það sé langt frá því að heimamarkaðurinn nái að fylla upp í það gat sem útlit er fyrir að erlendir hótelgestir skilji eftir sig á norska markaðnum í sumar.

Hjá hótelkeðjunni Classic Norway er líka hægt að bóka gistingu í dag með vænum afslætti. Til dæmis kosta tvær nætur í tveggja manna herbergi, með þriggja rétta kvöldverð, 990 norskar krónur eða um 13.500 íslenskar. Framkvæmdastjóri Classic Norway segir að fyrirtækið þéni ekkert á svona tilboðum en nú þegar hafa um ellefu hundruð bókanir borist fyrir sumarið. Hann tekur þó fram að áhugi Norðmanna á ferðalögum innanlands er greinilega mikill því fjöldi heimsókna á heimasíðu hótelkeðjunnar margfaldaðist eftir að Bent Høie, heilbrigðisráðherra Noregs, tók undir tilmæli Ursula von der Leyen, forseta framkvæmdastjórarnar ESB, um að Evrópubúar myndi sleppa utanlandsferðum í sumar.

Eigendur minni hótela eru þó ekki ekki allir ánægðir með þessi tilboð frá keðjunum. „Við verðum að halda í verðskrána til að koma okkur í gegnum þennan storm. Ég skil þó vel að þeir sem eru komnir út í horn finni fyrir pressu og selji sig ódýrt. Mér þykir það hins vegar slæmt að þeir sterkastu í geiranum ríði á vaðið,“ segir eigandi Hotel Walaker sem er elsta gistihús Noregs. Saga þess nær aftur til ársins 1640 og núverandi hótelstjóri er af níundu kynslóð Walaker ættarinnar sem stýrir hótelinu. Þar þekkja þau því alls kyns sveiflur í rekstri.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …