Samfélagsmiðlar

Afpanta MAX þotur

Nú styttist biðlistinn eftir Boeing MAX gallagripunum en Icelandair á ennþá eftir að fá afhentar tíu þotur af þessari gerð.

Ein af MAX þotum Icelandair.

Tekjur flugfélaga munu dragast saman um rúman helming í ár gangi spár alþjóðasamtaka flugfélaga eftir. Þörfin fyrir fleiri nýjar flugvélar hefur þar með minnkað og til marks um það þá var samningum um kaup á samtals 150 MAX þotum sagt upp í mars samkvæmt frétt CNBC.

Þar af losuðu stjórnendur flugvélaleigunnar Avolon sig undan kaupum á sjötíu og fimm þess háttar flugvélum og brasilíska flugfélagið Gol hætti við kaup á þrjátíu og fjórum. Til viðbótar sögðu aðrir flugrekendur upp kaupsamningum á fjörutíu og einni MAX þotu.

Ennþá hefur Boeing ekki tekist að afhenda eina gallalausa MAX þotu og kann sú staðreynd að skýra minnkandi áhuga flugrekenda á að taka þær í gagnið. Flugfélög hafa líka búið sig undir að ófáir farþegar muni ekki vilja ferðast með þessum þotum þegar þær fá flugheimild á ný.

Icelandair hefur fengið sex MAX þotur afhentar og þrjár til viðbótar eru tilbúnar og merktar félaginu við verksmiðjur Boeing. Samið hafði verið um sölu og endurleigu á þeim þremur en vegna seinagangs við afhendingu, sem rekja má til kyrrsetningar flugvélanna, þá runnu tveir þessara samninga út. Þær tvær þotur eru þá einu MAX vélarnar í eigu Icelandair en félagið leigir hinar sjö.

Auk þess á Icelandair inni sjö MAX þotur sem ennþá hafa ekki verið framleiddar. Aðspurð um hvort flugfélagið eigi kost á því að komast undan þeim samning þá segir Ásdís Ýr Pétursdóttir, upplýsingafulltrúi Icelandair, að ekki sé hægt að fara út í efnisatriði kaupsamningsins þar sem hann sé trúnaðarmál.

Þess má geta að Icelandair gerði upphaflega samning um kaup á tuttugu og fjórum MAX þotum. Rrétturinn á átta þeirra var þó ekki virkjaður á sínum tíma.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …