Samfélagsmiðlar

Ekki útlit fyrir Spánarflug Norwegian héðan í vetur

Flugfloti Norwegian verður skorinn niður um ríflega eitt hundrað þotur og umsvifin munu takmarkst við Noreg út þetta ár í það minnsta ef tillögur stjórnenda félagsins verða samþykktar. Þar með detta út áætlunarferðir Norwegian milli Íslands og Spánar.

Jafnvel þó flugsamgöngur komist í lag nú í haust þá er ekki viðbúið að þotur Norwegian verði jafn tíðir gestir á Keflavíkurflugvelli næsta vetur og þær voru á nýliðnum vetri. Þá hélt Norwegian úti flugi hingað frá fimm spænskum flugvöllum en nú er hætt við að allar þessar ferðir leggist af. Þetta má lesa út úr nýrri viðskiptaáætlun sem stjórnendur Norwegian kynntu í morgun.

Tilgangurinn með áætluninni sannfæra lánadrottna um að breyta skuldum í hlutafé en það er forsenda fyrir því að félagið lifi af yfirstandandi krísu.

Stjórnendur Norwegian gera það að tillögu sinni að umsvifin nú í sumar og út næsta vetur takmarkist nær eingöngu við flug til og frá Noregi. Það verður svo fyrst árið 2022 sem starfsemin verði með eðlilegum hætti á ný. Í áætluninni er þó tekið fram að ef eftirspurn verður fyrir hendi þá verði hægt að bæta við flugferðum í byrjun næsta árs þrátt fyrir að flugfloti félagsins muni minnka til muna.

Af þessu má ljóst vera að Íslandsflug Norwegian verður sennilega ekki neitt nú í sumar og næsta vetur. Á þessu tímabili mun félagið ekki heldur veita Icelandair samkeppni í flugi milli Evrópu og Norður-Ameríku því þær ferðir eiga að hefjast á ný næsta vor.

Þess ber að geta að íslenskar ferðaskrifstofur eins og Heimsferðir, Úrval-Útsýn og Vita eru með Spánarferðir á dagskrá nú í sumar og næsta vetur.

Nýtt efni

Ítalía var mesta vínframleiðsluland heims 2023 en þurfti að sætta sig við að sala dróst saman. Það var reyndar staðan hjá flestum vínframleiðsluþjóðunum. Nú liggja fyrir tölur frá helstu markaðslöndum ítalskra vínframleiðenda: Bandaríkjunum, Þýskalandi, Bretlandi, Kanada og Japan, en samanlagður útflutningur til þessara landa nemur 56 prósentum af heildinni. Til samanburðar vega þessi markaðslönd 50 prósent …

Hann var nýorðinn 14 ára gamall þegar eitt af stóru félögunum í Belgíu, Genk, hafði samband við hann og bauð honum pláss í fótboltaakademíunni sem hafði þá mjög góðan orðstír. Það tók Kevin de Bruyne nokkurn tíma að sannfæra foreldra sína um að það væri góð hugmynd fyrir hann að flytja frá Drongen til að …

Play leitar nú fjárfesta sem vilja leggja félaginu til 1,4 milljarða króna í það minnsta. Stærstu hluthafarnir hafa gefið vilyrði sitt fyrir innspýtingu upp á 2,6 milljarða kr. en sú viðbót er háð því skilyrði að það safnist alla vega 4 milljarðar í nýtt hlutafé. Áður höfðu stjórnendur Play gefið út að þeir þyrftu þrjá …

Mikil umferð farþega var um evrópska flugvelli í janúar, víða fór farþegafjöldinn fram úr því sem var í sama mánuði 2019. Um 46 flugvöllum á Spáni, sem AENA starfrækir, var farþegafjöldinn 18,6 milljónir, sem er 10 prósentum fleiri en í janúar í fyrra. Flestir fóru um flugvöllinn í Madríd nú í janúar síðastliðnum, nærri 4,8 …

Það sem af er ári hefur hægt á eftirspurn á rafbílamarkaði heimsins og framleiðendur bregðast við með því að segja upp starfsfólki, minnka framleiðslukostnað og breyta áætlunum sínum. Þetta bakslag gæti seinkað orkuskiptum í vegasamgöngum.  Þýski gæðabílaframleiðandinn Mercedes-Benz tilkynnti í gær að markmiðum um rafbílavæðingu yrði frestað um fimm ár og sjá til þess að …

Stjórn Volvo Cars ætlar að láta af því verða að minnka hlutinn í sænska rafbílaframleiðandanum Polestar en áformin voru fyrst kynnt í byrjun þessa mánaðar. Fjárfestar tóku tíðindunum vel því hlutabréfin í Volvo hækkuðu í kjölfarið um fjórðung. Endurteknar hlutafjáraukningar Polestar hafa nefnilega haft neikvæð áhrif á gengi Volvo í kauphöllinni í Stokkhólmi samkvæmt frétt …

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …