Samfélagsmiðlar

Fleiri velja að fresta ráðstefnum en afbóka

Það verður lítið um fjölþjóðlega fundi, ráðstefnur, hvataferðir og viðburði hér á landi í ár að sögn Sigurjónu Sverrisdóttur framkvæmdastjóra Ráðstefnuborgarinnar Reykjavíkur.

Tómur salur í Hörpu.

Eins og staðan er í dag er búið að fresta eða afbóka nánast öllum fyrirhuguðum erlendum verkefnum sem fara áttu fram hér á landi næsta hálfa árið. Þetta kemur fram í tilkynningu frá Ráðstefnuborginni Reykjavík (Meet in Reykjavik) sem það hlutverk að markaðssetja höfuðborgina og Ísland fyrir slíka ferðamenn sem jafnan eru kallaðir MICE-ferðamenn.

Félagið vinnur nú að því að safna saman upplýsingum um afbókanir vegna COVID-19 faraldursins og greina árif þeirra á afkomu ferðaþjónustunnar í ár og næstu árin.

„Ef við reynum að finna eitthvað jákvætt úr þeim upplýsingum sem við höfum safnað að þá er það að um sextíu prósent þeirra ráðstefna sem fara áttu fram hér á landi hefur verið frestað og áætlað að þær komi síðar, flestar á næsta ári. Um fjórðung hefur verið aflýst en um fimmtán prósent hafa ekki tekið ákvörðun um hvort þeim verði frestað eða aflýst. Svipaða sögu er að segja með hvataferðir. Um helmingur hefur valið að fresta og um fjórðungur á eftir að taka ákvörðun um frestun eða afbókun. Mikil vinna liggur að baki við að halda þessum bókunum inn á áfangastaðnum og mun sú vinna halda áfram en róðurinn mun eflaust þyngjast eftir því sem líður á faraldurinn,“ segir Sigurjóna Sverrisdóttir, framkvæmdastjóri.

Í tilkynningu kemur fram að mikið er í húfi fyrir ferðaþjónustuna hér á landi að verja þennan markhóp erlendra gesta. „Tekjur af MICE ferðamönnum eru að jafnaði um tvöfalt hærri á hverja gistinótt en af hefðbundnum ferðamönnum. Þetta eru því ferðamenn sem teljast til betur borgandi gesta. Það stefndi í um tíu til ellefu prósent aukningu í komu MICE ferðamanna í ár en þeir voru rétt tæplega 150.000 árið 2019 sem einnig var metár.“

Sigurjóna segir að félagið beri miklar væntingar til markaðsverkefnisins „Saman í sókn“ sem stjórnvöld hafa boðað þegar ferðatakmörkunum verður aflétt. „Við trúum því og treystum að þessum markhóp verði gert hátt undir höfði í þeim aðgerðum. Enda fullt tilefni til“.


Viltu styðja Túrista?

Nú þegar virkilega á reynir þá stendur Túristi vaktina frá morgni til kvölds. Ef þú ert einn þeirra lesenda sem finnst gagn í skrifum Túrista þá væri ómetanlegt ef þú myndir leggja útgáfunni lið. Smelltu hér fyrir nánari upplýsingar.

Nýtt efni

Sauðfjársetrið var stofnað árið 2002 af heimamönnum og hefur vaxið og dafnað í þeirra umsjá allar götur síðan. Nýverið hlaut það tilnefningu til Íslensku safnaverðlaunanna fyrir samfélagslegra nálgun í safnastarfi. Í umsögn með tilnefningunni segir meðal annars að hér sé um að ræða mikilvæga og öfluga menningarstofnun sem hafi gríðarmikið gildi fyrir samfélagið á Ströndum. …

Unnið er að því á flugvellinum í Nice á Côte d´Azur að rafvæða alla starfsemi hans með 4 milljóna evra fjárstuðningi frá Evrópusambandinu. Er verkefnið liður í loftslagsstefnu sambandsins. Allar flugvélar í stæði eiga að fá aðgang að raforku sem unnin er með endurnýjanlegum hætti. Settar verða upp um 70 tengistöðvar í þessu skyni. Á …

Nýja-Sjáland var á meðal þeirra ríkja sem fylgdu hörðustu lokunarstefnunni á meðan Covid-19 geisaði. Nú vilja stjórnvöld þar blása meira lífi í ferðaþjónustu á landinu og helst utan vinsælasta tímans sem er nýsjálenska sumarið - frá desemberbyrjun til febrúarloka, þegar dagarnir eru langir og sólríkir og nætur mildar.  Ferðaþjónusta er einn helsti atvinnuvegur Nýja Sjálands …

Talsmenn þýsku sambandsstjórnarinnar staðfestu í dag að hún væri að leita lausnar á viðskiptadeilu Evrópusambandsins og Kína. Það fæli væntanlega í sér að boðuð hækkun verndartolla um allt að 38,1 prósent nái fram að ganga. Það er ekki umhyggja fyrir kínverskum hagsmunum sem ræður afstöðu þýskra stjórnvalda heldur vilja þau vernda hagsmuni stórfyrirtækja í eigin …

Schiphol-flugvöllur við Amsterdam er meðal fjölförnustu flugvalla Evrópu og hefur umferðin um hann lengi verið umdeild meðal íbúa. Umfangi flugvallarins, hávaða frá honum og mengun, hefur ítrekað verið mótmælt og brugðist hefur verið við með því að setja takmarkanir á þjónustutíma og fjölda véla sem um hann fara. Schiphol er þó og verður áfram ein …

Verulega hefur dregið úr magni ósoneyðandi gastegunda í andrúmsloftinu og þykir núna nokkuð ljóst, samkvæmt nýrri rannsókn, að hið alþjóðlega átak um að bjarga ósonlaginu hafi tekist framar vonum.  Margir sem komnir eru á miðjan aldur muna eftir brúnaþungum sjónvarpsfréttamönnum segja frá válegum tíðindum af ósonlaginu á níunda og tíunda áratugnum, inni á milli lagstúfa …

Á meðan franskir og spænskir bílaframleiðendur þrýstu á um að Evrópusambandið brygðist hart við meintum óðeðlilega miklum ríkisstuðningi Kínverja við rafbílaframleiðslu sína og hækkuðu verndartolla vöruðu þýskir keppinautar þeirra við því að slegið gæti í bakseglin: Gríðarlega mikilvægur markaður í Kína gæti lokast að verulegu leyti. Um þriðjungur af sölutekjum Mercedes Benz, BMW og Volkswagen …

Óhætt er að segja að það kosti Hlyn Guðjónsson, sendiherra Íslands í Ottawa, mikil ferðalög að sinna íslenskum hagsmunum í Kanada, sem er næst víðfeðmasta land heimsins. Sendiráð Íslands er hinsvegar lítið, starfsmenn aðeins þrír - Hlynur og tveir staðarráðnir. Nýlega var Hlynur staddur í Halifax, höfuðborg Nova Scotia. Það tekur um tvo tíma að …