Samfélagsmiðlar

Forstjóri Ryanair bjartsýnn á framhaldið

Flugfélög víða um heim búa sig undir takmarkaðan áhuga á ferðalögum í töluverðan tíma eftir að landamæri opnast á ný. Forstjóri stærsta lágfargjaldaflugfélags Evrópu er á annarri skoðun.

Um leið og ferðaviðvaranir verða felldar úr gildi þá mun fólk flykkjast til útlanda á ný. Þetta er mat Michael O´Leary, forstjóra Ryanair, sem   skrifar þessi miklu eftirspurn á sérstaklega lág fargjöld. „Þegar ástandið er liðið hjá þá verða gríðarlegir afslættir í boði og þar með aukast ferðalög hratt á ný yfir ákveðið tímabil,“ segir O´Leary við Reuters.

Írski forstjórinn bætir því við að hann telji að farmiðaverðið verði lágt alla vega fram á næsta ár. Almennt hallast greinendur í fluggeiranum þó að því að verðþróunin verði heldur á hinn veginn eftir að kórónaveirukrísan er yfirstaðin. Það mat byggir á minnkandi sætaframboði, versnandi efnahagsástandi og lítilli ferðagleði.

Ein skýring á því að O´Leary er bjartsýnni en kollegar hans er kannski sú að Ryanair flýgur nærri eingöngu milli evrópskra áfangastaða. Og  það eru einmitt ferðalög innanlands og innan heimsálfa sem almennt er gert ráð fyrir að dragist minna saman en reisur milli fjarlægra landa.

Það ber þó að taka spágáfu O’Leary með fyrirvara því í byrjun mars reiknaði hann ekki með að kórónaveiran hefði mikil áhrif og taldi að fólk færi fljótlega á ný að bóka flugmiða. Sú spá gekk heldur betur ekki eftir því Ryanair lagði flugflota sínum stuttu síðar og gerir ekki ráð fyrir ferðum fyrr en í næsta mánuði.

 

 

 

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …