Samfélagsmiðlar

Kröfuhöfum Norwegian gert nýtt tilboð sem gildir fram á kvöld

Vonir stjórnenda Norwegian stóðu til að í dag fengist samþykki eigenda skuldabréfa í félaginu fyrir því að breyta stórum hluta skuldarinnar í eigið fé. Fresturinn var framlengdur til klukkan ellefu í kvöld.

Taprekstur Norwegian hefur verið langvarandi og félagið hefur endurtekið fengið inn aukið hlutafé til að halda starfseminni gangandi. Og þegar Covid-19 lamaði allar flugsamgöngur þá var fljótt útséð með að Norwegian kæmist í gegnum krísuna. Af þeim sökum hafa stjórnendur þess unnið að því að sannfæra eigendur skuldabréfa í félaginu um að breyta kröfum sínum í hlutafé. Í staðinn frá þeir 41,7 prósent af hlutafé í flugfélaginu.

Samþykki skuldabréfaeigenda átti að liggja fyrir klukkan fjögur í dag, að norskum tíma, en stuttu áður en fresturinn rann út þá lagði Norwegian fram nýtt tilboð þar sem ekki virtist nægur hljómgrunnur fyrir því fyrra. Nýja tilboðið gildir til ellefu í kvöld og það felur meðal annars í sér sveigjanlegri skilmála um hvenær kröfuhafar geta selt hluti sína í Norwegian samkvæmt frétt E24.

Á sunnudag rennur svo út frestur sem flugvélaleigur og fjármögnunarfyrirtæki hafa til að ganga að þeim kostum sem stjórnendur Norwegian hafa lagt á borð fyrir þá. Á mánudaginn er svo röðin komin að hluthöfunum sjálfum. Eign þeirra í félaginu mun að mestu þurrkast út að öllu óbreyttu en þessar aðgerðir eru forsenda fyrir því að norska ríkið styðji við Norwegian með lánaábyrgðum.

Nýtt efni

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …