Samfélagsmiðlar

Flugstjórar British Airways með fimmtungi hærri laun

Flugstjórar Icelandair eru með hærri laun en kollegar þeirra hjá easyJet eru töluvert undir þeim sem fljúga þotum British Airways og Air France.

Í kjaradeilum þá kemur vinnuveitendum og stéttarfélögum ekki alltaf saman um hver meðallaun þeirrar stéttar eru sem situr við samningaborðið. Á meðan á verkfalli flugstjóra British Airways stóð síðastliðið haust þá upplýsti félagið að meðallaun flugstjóra hjá flugfélaginu væru 2,5 milljónir króna á mánuði eða 167 þúsund pund á ári. Til viðbótar kæmu svo 2,9 milljónir í aukagreiðslur eða um 242 þúsund á mánuði samkvæmt frétt Financial Times.

Meðallaun flug­stjóra hjá Icelandair eru aftur á móti um fimmtungi lægri eða um 2,1 milljón króna á mánuði samkvæmt svari Icelandair við fyrirspurn Mbl.is í dag. Við þá upphæð bætast 140 þúsund krónur að jafnaði í dagpeninga.

Það er ekki einfalt að bera saman kjör starfsstétta milli landa og kannski sérstaklega þegar kemur að flugmönnum og flugfreyjum þar sem dagpeningar vega oft þungt og eins fá áhafnir oft hlutdeild í hagnaði. Þessa fyrirvara gerir Financial Times í samanburði sínum á milli launakjara flugmanna og flugstjóra hjá nokkrum flugfélögum í fyrra.

Þar kemur fram að meðallaun hjá easyJet eru um 1,8 milljón á mánuði á meðan flugstjórar Air France, á lengri flugleiðum, mega búast við að þéna um þrjár milljónir á mánuði.

Í því samhengi má benda á að meðalflugleiðin hjá Icelandair er um 2500 kílómetrar á meðan hver ferð hjá easyJet er að jafnaði um þúsund kílómetrar líkt og fram kom í greiningu Túrista í gær. Þar sást líka hversu miklu meiri árstíðasveifla er í framboði Icelandair en sambærilegra evrópskra flugfélaga.

 

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …