Samfélagsmiðlar

Lofa heiðarlegum fargjöldum

Heimasíða WOW air er að taka á sig mynd og þar er nú að finna nánari upplýsingar um starfsemina.

Ný heimasíða WOW air.

Hjá hinu upprunalega WOW air stærðu stjórnendur sig af háum hliðartekjum á hvern farþega. Var þá horft til þess hve margir borguðu aukalega fyrir farangur og val á sætum um borð. Eins komust farþegar ekki hjá því að greiða bókunargjald upp á 999 krónur. Nýir eigendur vörumerkis WOW hafa ítrekað að þessi háttur verði ekki hafður á þegar WOW hefur sig til flugs á ný.

Á nýuppfærði heimasíðu félagsins er þessi stefna útskýrð nánar. Þar segir að í heimi WOW air (WOW world) þurfi farþegar ekki að hafa áhyggjur af yfirvigt eða farangurstakmörkunum. Í þeim heimi geti fólk líka tekið frá þau sæti um borð sem það vill án aukgreiðslu og matreiðslumeistarinn Roger Wiles mun svo tryggja góða næringu í fluginu.

Þetta eru svokölluð heiðarleg fargjöld að hætti WOW air (Honest fare). Þeim fylgir líka frítt netsamband í háloftunum og afþreying. Frasarnir WOW World og Honest Fares eru merktir sem skráð vörumerki eða ™ í texta heimasíðunnar.

Engar upplýsingar eru á vefsíðu WOW um hvert flugfélagið mun fljúga en ráðnir hafa verið til starfa framkvæmdastjórar á Ítalíu og Rússlandi. Auk þess er Magnús Magnússon nýr yfirmaður vöruflutningasvið félagsins.

Einnig ætlar félagið sér að hasla sér völl í Afríku samkvæmt því sem fram kemur á heimasíðunni.

Nýtt efni

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …

Ásgeir Baldurs, framkvæmdastjóri Arctic Adventures

Arctic Adventures er eitt stærsta fyrirtæki landsins í ferðaþjónustu og hefur verið að stækka starfssvið sitt, síðast með kaupum á Special Tours, sem sinnir skoðunarferðum á slóðum hvala og lunda, auk þess að reka Hvalasafnið (Whales of Iceland) í Reykjavík.  Ásgeir Baldurs tók við starfi forstjóra Arctic Adventures fyrir rúmu ári, þegar margir bundu vonir við …

Kínversku bílaframleiðendurnir BYD og SAIC, sem er eigandi framleiðslufyrirtækis MG-rafbílana vinsælu, hafa ekki ákveðið enn hvort verð á rafbílum sem seldir verða í Evrópu eftir 4. júlí hækka í verði. Þá tekur gildi umtalsverð hækkun tolla á kínversku rafbílana. Samkvæmt heimildum Reuters verður engin verðbreyting ákveðin fyrir þann tíma. Evrópusambandið ákvað að tollur á MG-bílum …

Gengi hlutabréfa í Norwegian féll í gærdag eftir að greinendur norska bankans DNB færðu niður verðmat sitt á félaginu úr 19 norskum krónum á hlut niður í 17 kr. Hið nýja verðmat var engu að síður 30 prósent yfir markaðsgenginu, 14 norskar kr., en engu að síður féll gengið um tíu prósent í gær og …